Tuesday, September 21, 2010

ਓਕਨਆਗਨ ਪੰਜਾਬੀ ਸੱਥ ਵਰਨਨ ਵੱਲੋਂ ਪਾਲ ਢਿੱਲੋਂ ਦਾ ਗ਼ਜ਼ਲ-ਸੰਗ੍ਰਹਿ ਸਰੀ ‘ਚ ਰਿਲੀਜ਼ ਕੀਤਾ ਗਿਆ - ਰਿਪੋਰਟ

ਸਰੀ:- (ਜਰਨੈਲ ਸਿੰਘ ਸੇਖਾ) ਓਕਨਆਗਨ ਪੰਜਾਬੀ ਸੱਥ ਵਰਨਨ ਵੱਲੋਂ 18 ਸਤੰਬਰ, 10 ਨੂੰ ਪਰੋਗ੍ਰੈਸਿਵ ਕਲਚਰਲ ਸੈਂਟਰ ਸਰੀ ਵਿਖੇ ਇਕ ਸਾਹਿਤਕ ਸਮਾਗਮ ਕਰਵਾਇਆ ਗਿਆ ਜਿਸ ਵਿਚ ਫਰੇਜ਼ਰ ਵੈਲੀ ਤੇ ਓਕਨਆਗਨ ਵੈਲੀ ਚੋਂ ਆਏ ਪੰਜਾਬੀ ਲੇਖਕਾਂ ਦੀ ਭਰਵੀਂ ਸ਼ਮੂਲੀਅਤ ਸੀ।

----

ਪਹਿਲੇ ਸੈਸ਼ਨ ਦੇ ਪਰਧਾਨਗੀ ਮੰਡਲ ਵਿਚ ਡਾਕਟਰ ਦਰਸ਼ਨ ਗਿੱਲ, ਹੈਰੀ ਬੈਂਸ ਅਤੇ ਪਾਲ ਢਿੱਲੋਂ ਸ਼ਾਮਲ ਹੋਏ. ਸਟੇਜ ਦੀ ਕਾਰਵਾਈ ਮੋਹਨ ਗਿੱਲ ਨੇ ਨਿਭਾਈ। ਸਭ ਤੋਂ ਪਹਿਲਾਂ ਮੋਹਨ ਗਿੱਲ ਨੇ ਓਕਨਆਗਨ ਪੰਜਾਬੀ ਸੱਥ ਦੇ ਕਨਵੀਨਰ ਛਿੰਦਾ ਢਿੱਲੋਂ ਨੂੰ ਸੱਦਾ ਦਿੱਤਾ ਕਿ ਉਹ ਦੂਰੋਂ ਨੇੜਿਉਂ ਆਏ ਸਾਹਿਤਕਾਰਾਂ ਤੇ ਸਾਹਿਤ ਪ੍ਰੇਮੀਆਂ ਨੂੰ ਜੀਅ ਆਇਆਂ ਕਹਿਣ। ਛਿੰਦਾ ਢਿੱਲੋਂ ਦੇ ਹਾਸੇ ਤੇ ਮਜ਼ਾਹੀਆ ਲਹਿਜ਼ੇ ਵਿਚ 'ਜੀਅ ਆਇਆਂ' ਕਹਿਣ ਮਗਰੋਂ ਮੋਹਣ ਗਿੱਲ ਨੇ ਵਰਨਨ ਦੇ ਨਾਮਵਰ ਗ਼ਜ਼ਲਗੋ ਪਾਲ ਢਿੱਲੋਂ ਦੇ ਸਾਹਿਤਕ ਸਫ਼ਰ ਦੀ ਜਾਣਕਾਰੀ ਦੇ ਕੇ ਡਾਕਟਰ ਦਰਸ਼ਨ ਗਿੱਲ ਨੂੰ ਖੰਨਿਓਂ ਤਿੱਖਾ ਸਫਰਉਪਰ ਪਰਚਾ ਪੜ੍ਹਨ ਲਈ ਬੇਨਤੀ ਕੀਤੀ।

-----

ਡਾ: ਗਿੱਲ ਨੇ ਪੁਸਤਕ ਉਪਰ ਗੱਲ ਕਰਦਿਆਂ ਕਿਹਾ ਕਿ ਪਾਲ ਢਿੱਲੋਂ ਨੇ ਗ਼ਜ਼ਲ ਜਿਹੀ ਔਖੀ, ਇਕੋ ਇਕ ਵਿਧਾ ਨੂੰ ਅਪਣਾਇਆ ਹੈ। ਹੋਰ ਕਲਾਵਾਂ ਵਾਂਗ ਸ਼ਾਇਰੀ ਵੀ ਇਕ ਕਲਾ ਹੈ ਤੇ ਕਲਾ ਸਾਧਨਾ ਮੰਗਦੀ ਹੈ। ਢਿੱਲੋਂ ਇਕ ਸਾਧਕ ਸ਼ਾਇਰ ਹੈ. ਡਾ: ਗਿੱਲ ਨੇ ਪੁਸਤਕ ਵਿਚੋਂ ਵੱਖ ਵੱਖ ਰੰਗਾਂ ਦੇ ਸ਼ਿਅਰ ਸੁਣਾ ਕੇ ਕਿਹਾ ਕਿ ਇਹੋ ਕਾਰਨ ਹੈ ਜੋ ਢਿੱਲੋਂ ਦੀ ਗ਼ਜ਼ਲ ਵਿਚ ਪਰਪੱਕਤਾ ਆਈ ਹੈ। ਢਿੱਲੋਂ ਕੁਦਰਤ ਤੇ ਲੋਕਤਾ ਦਾ ਯਥਾਰਥਵਾਦੀ ਸ਼ਾਇਰ ਹੈ। ਗੁਰਦਰਸ਼ਨ ਬਾਦਲ ਨੇ ਆਪਣੇ ਪਰਚੇ ਵਿਚ ਦੱਸਿਆ ਕਿ ਢਿੱਲੋਂ ਨੂੰ ਗ਼ਜ਼ਲ ਦੇ ਬਹਿਰਾਂ ਦੀ ਬਹੁਤ ਸੂਝ ਹੈ ਤੇ ਉਸ ਦਾ ਹਰਮਨ ਪਿਆਰਾ ਬਹਿਰ ਹਜ਼ਜਹੈ। ਨਦੀਮ ਪਰਮਾਰ ਨੇ ਢਿੱਲੋਂ ਦੀ ਗ਼ਜ਼ਲ ਦੀ ਕਲਾ ਤੇ ਬਣਤਰ ਬਾਰੇ ਗੱਲ ਕਰਦਿਆਂ ਕਿਹਾ ਕਿ ਗ਼ਜ਼ਲਕਾਰ ਨਹੀਂ ਗ਼ਜ਼ਲਗੋ ਹੁੰਦਾ ਹੈ। ਗ਼ਜ਼ਲ ਲਿਖੀ ਨਹੀਂ ਜਾਂਦੀ ਗ਼ਜ਼ਲ ਕਹੀ ਜਾਂਦੀ ਹੈ। ਗ਼ਜ਼ਲ ਵਿਧਾ ਵਿਚ ਉਸਤਾਦਾਂ ਨੇ 65 ਗੁਣ ਤੇ 32 ਐਬ ਦੱਸੇ ਹਨ, ਇਸ ਲਈ ਗ਼ਜ਼ਲ ਲਿਖਦਿਆਂ ਬੰਦਸ਼ ਦੇ ਨਾਲ ਕਈ ਵਾਰ ਖੁੱਲ੍ਹ ਵੀ ਲੈ ਲਈ ਜਾਂਦੀ ਹੈ ਪਰ ਇਹ ਖੁੱਲ੍ਹਾਂ ਸਦੀਵੀ ਨਹੀਂ ਹੁੰਦੀਆਂ। ਜਰਨੈਲ ਸਿੰਘ ਸੇਖਾ ਨੇ ਢਿੱਲੋਂ ਦੀਆਂ ਪੁਸਤਕਾਂ ਦੇ ਨਾਵਾਂ ਰਾਹੀਂ ਢਿੱਲੋਂ ਦੀ ਸ਼ਾਇਰੀ ਦੇ ਸਫਰ ਦੀ ਗੱਲ ਕੀਤੀ ਅਤੇ ਵਾਕ ਲੈਣ ਵਾਂਗ ਪੁਸਤਕ ਖੋਲ੍ਹ ਕੇ ਇਕ ਗ਼ਜ਼ਲ ਪੜ੍ਹੀ ਤੇ ਦੱਸਿਆ ਕਿ ਪੁਸਤਕ ਵਿਚੋਂ ਕਿਤੋਂ ਵੀ ਕੋਈ ਗ਼ਜ਼ਲ ਪੜ੍ਹ ਲਈ ਜਾਵੇ, ਸਭ ਗ਼ਜ਼ਲਾਂ ਹੀ ਉੱਚ ਪਾਏ ਦੀਆਂ ਹਨ।

------

ਉਸ ਤੋਂ ਮਗਰੋਂ ਤਾੜੀਆਂ ਦੀ ਗੂੰਜ ਵਿਚ ਪਾਲ ਢਿੱਲੋਂ ਦੀ ਪੁਸਤਕ ਖੰਨਿਓਂ ਤਿੱਖਾ ਸਫਰਨੂੰ ਸਰੋਤਿਆਂ ਦੇ ਸਨਮੁਖ ਕੀਤਾ ਗਿਆ. ਪੁਸਤਕ ਰਿਲੀਜ਼ ਕਰਨ ਮਗਰੋਂ ਹੈਰੀ ਬੈਂਸ ਐਮ.ਐਲ.ਏ. ਨੇ ਆਪਣੇ ਪ੍ਰਧਾਨਗੀ ਭਾਸ਼ਨ ਵਿਚ ਕਿਹਾ ਕਿ ਸਾਹਿਤਕਾਰ ਦੇਸ਼ ਦੀ ਤਰੱਕੀ ਵਿਚ ਬੜਾ ਵੱਡਾ ਯੋਗਦਾਨ ਪਾ ਰਹੇ ਹਨ। ਜੱਸ ਢਿੱਲੋਂ, ਸੁਪਤਨੀ ਪਾਲ ਢਿੱਲੋਂ, ਨੇ ਵੀ ਕੁਝ ਸ਼ਬਦ ਪਾਲ ਢਿੱਲੋਂ ਬਾਰੇ ਕਹੇ। ਇਸ ਸੈਸ਼ਨ ਦੇ ਅੰਤ ਤੇ ਪਾਲ ਢਿੱਲੋਂ ਨੇ ਆਪਣੀ ਨਵੀਂ ਪੁਸਤਕ ਵਿਚੋਂ ਕੁਝ ਗ਼ਜਲ਼ਾਂ ਸਰੋਤਿਆਂ ਨਾਲ ਸਾਂਝੀਆਂ ਕੀਤੀਆਂ।

-----

ਚਾਹ ਪਾਣੀ ਪੀਣ ਮਗਰੋਂ ਦੂਜਾ ਸੈਸ਼ਨ ਕਵੀ ਦਰਬਾਰ ਦੇ ਰੂਪ ਵਿਚ ਆਰੰਭ ਹੋਇਆ, ਜਿਸ ਦੀ ਪ੍ਰਧਾਨਗੀ ਨਦੀਮ ਪਰਮਾਰ ਤੇ ਪਾਲ ਢਿੱਲੋਂ ਨੇ ਕੀਤੀ। ਇਸ ਵਾਰ ਵੀ ਸਟੇਜ ਦੀ ਕਾਰਵਾਈ ਮੋਹਣ ਗਿੱਲ ਨੇ ਨਿਭਾਈ। ਉਸ ਸੂਚਨਾ ਹਿਤ ਦੱਸਿਆ ਕਿ 28 ਸਤੰਬਰ ਨੂੰ ਸ਼ਾਮ 6:30 ਵਜੇ ਜਾਰਜ ਮੈਕੀਅ ਲਾਇਬ੍ਰੇਰੀ ਡੈਲਟਾ ਵਿਚ ਜਰਨੈਲ ਸਿੰਘ ਸੇਖਾ ਦਾ ਕਹਾਣੀ ਪਾਠ, ਹਰਭਜਨ ਮਾਂਗਟ ਤੇ ਜਤਿੰਦਰ ਦਾ ਕਵਿਤਾ ਪਾਠ ਹੋਵੇਗਾ। 9 ਅਕਤੂਬਰ ਨੂੰ ਬਿਲ ਪਰਫਾਰਮਿੰਗ ਸੈਂਟਰ ਸਰੀ ਵਿਚ 12।30 ਵਜੇ ਤਰਕਸੀਲ ਮੇਲਾ ਹੋਵੇਗਾ। ਮੋਹਣ ਗਿੱਲ ਦੀ ਖ਼ੂਬੀ ਇਹ ਸੀ ਕਿ ਉਹ ਹਰ ਬੁਲਾਰੇ ਦੇ ਸਟੇਜ ਤੇ ਆਉਣ ਤੋਂ ਪਹਿਲਾਂ ਪਾਲ ਢਿੱਲੋਂ ਦੀ ਨਵੀਂ ਪੁਸਤਕ ਵਿਚੋਂ ਕੁਝ ਸ਼ਿਅਰ ਸਰੋਤਿਆਂ ਨੂੰ ਸੁਣਾ ਦਿੰਦਾ ਸੀ।

-----

ਪਹਿਲੀ ਕਵਿਤਾ ਜ਼ਿੰਮੇਵਾਰੀਇੰਦਰਜੀਤ ਸਿੰਘ ਧਾਮੀ ਨੇ ਪੜ੍ਹੀ ਜਿਹੜੀ ਔਰਤ ਦੇ ਪਰਵਾਸ ਦੀ ਗੱਲ ਕਰਦੀ ਸੀ। ਓਕਨਆਗਨ ਵੈਲੀ ਦੇ ਸ਼ਹਿਰ ਕੈਸਲਗਾਰ ਚੋਂ ਆਏ ਕਵੀ ਪਰਮਜੀਤ ਗਿੱਲ ਨੇ ਅੱਗਦਾ ਗੀਤ ਗਾ ਕੇ ਸੁਣਾਇਆ ਇਹ ਗੀਤ ਵੀ ਔਰਤ ਦੇ ਪਰਵਾਸ ਦੀ ਤਰਜਮਾਨੀ ਕਰਦਾ ਸੀ। ਬਿੱਕਰ ਸਿੰਘ ਖੋਸਾ ਨੇ ਢਿੱਲੋਂ ਦੀ ਕਵਿਤਾ ਇਕ ਖ਼ਤ ਲਿਖੀਂਦੀ ਗੱਲ ਕਰਕੇ ਇਕ ਗ਼ਜ਼ਲ ਸੁਣਾਈ ਵੱਡੇ ਘਰਾਂ ਦੇ ਵੱਡੇ ਵਿਹੜੇ, ਦਿਲ ਦੇ ਵਿਹੜੇ ਤੰਗ ਘਰਾਂ ਵਿਚ।

-----

ਪਰਮਿੰਦਰ ਸਵੈਚ ਦੀ ਕਵਿਤਾ ਹਿੰਦਸੇਦਸਦੀ ਸੀ ਕਿ ਅਜੋਕਾ ਮਨੁੱਖ ਹਿੰਦਸਿਆਂ ਦੀ ਭੀੜ ਵਿਚ ਗੁੰਮ ਹੋ ਕੇ ਰਹਿ ਗਿਆ ਹੈ। ਫਿਰ ਦਰਸ਼ਨ ਸੰਘਾ ਨੇ ਆਪਣੀਆਂ ਵਿਅੰਗਾਤਮਿਕ ਬੋਲੀਆਂ ਸੁਣਾ ਕੇ ਸਰੋਤਿਆਂ ਨੂੰ ਹੱਸਣ ਲਈ ਮਜਬੂਰ ਕਰ ਦਿੱਤਾ. ਦਵਿੰਦਰ ਪੂਨੀਆ ਨੇ ਆਪਣੀ ਫਲਾਸਫਾਨਾ ਗ਼ਜ਼ਲ ਸੁਣਾਈ. ਸੁਰਜੀਤ ਮਾਧੋਪੁਰੀ ਨੇ ਆਪਣੀ ਬੁਲੰਦ ਅਵਾਜ਼ ਵਿਚ ਇਕ ਗੀਤ ਸੁਣਾ ਕੇ ਪਾਲ ਢਿੱਲੋਂ ਦੀ ਇਕ ਗ਼ਜ਼ਲ ਤਰੰਨੁਮ ਵਿਚ ਸੁਣਾਈ। ਅੰਗ੍ਰੇਜ਼ ਬਰਾੜ ਦੀਆਂ ਬੋਲੀਆਂ ਪੰਜਾਬੀਆਂ ਦੇ ਮਾਣ ਦੀ ਗੱਲ ਕਰਦੀਆਂ ਸਨ। ਪ੍ਰਿਤਪਾਲ ਸਿੰਘ ਗਿੱਲ ਨੇ ਕਵਿਤਾ ਸੁਣਾਉਣ ਥਾਂ ਪਾਲ ਢਿੱਲੋਂ ਦੀ ਸ਼ਾਇਰੀ ਵਿਚ ਕੁਝ ਬੋਲ ਬੋਲੇ. ਨਾਲ ਹੀ ਉਸ ਨੇ 26 ਸਤੰਬਰ ਦੀ ਸ਼ਾਮ ਨੂੰ ਬੰਬੇ ਬੈਂਕੁਇਟ ਹਾਲ ਵਿਚ ਰੋਪੜ ਨਿਵਾਸੀਆਂ ਦੇ ਸਮਾਗਮ ਵਿਚ ਸ਼ਾਮਲ ਹੋਣ ਦਾ ਸੱਦਾ ਦਿੱਤਾ।

-----

ਦਲਜੀਤ ਕਲਿਆਣਪੁਰੀ ਦੀਆਂ ਰੁਬਾਈਆਂ ਵਿਚ ਉਸ ਦੇ ਬੋਲਾਂ ਜਿਹੀ ਹੀ ਖਣਕ ਸੀ। ਚਰਨ ਸਿੰਘ ਵਿਰਦੀ ਨੇ ਪਾਲ ਢਿੱਲੋਂ ਦੀ ਗ਼ਜ਼ਲ ਵਿਚ ਸੰਜਮ, ਸਤੁੰਲਨ ਤੇ ਸੰਤੋਖ ਦੀ ਗੱਲ ਕਰਨ ਮਗਰੋਂ ਆਪਣੀ ਨਜ਼ਮ ਤੇਰੇ ਰੰਗ ਵਰਗਾਸੁਣਾ ਕੇ ਰੰਗ ਬੰਨ੍ਹਿਆ। ਭੂਪਿੰਦਰ ਮੱਲ੍ਹੀ ਨੇ ਦੱਸਿਆ ਕਿ ਪਾਲ ਢਿੱਲੋਂ ਦੀ ਗ਼ਜ਼ਲ ਵਿਸ਼ੇ ਤੇ ਖ਼ਿਆਲ ਪੱਖੋਂ ਪਰਪੱਕ ਹੈ। ਉਹਨਾਂ 26 ਸਤੰਬਰ ਨੂੰ ਬੰਬੇ ਬੈਂਕੁਇਟ ਹਾਲ ਸਰੀ ਵਿਚ 12 ਵਜੇ ਦੁਪਹਿਰ ਪ੍ਰੋ: ਪ੍ਰੀਤਮ ਸਿੰਘ ਯਾਦ ਵਿਚ ਹੋ ਰਹੇ ਸਮਾਗਮ ਆਉਣ ਦਾ ਖੁੱਲ੍ਹਾ ਸੱਦਾ ਦਿੱਤਾ।

-----

ਗਿੱਲ ਮੋਰਾਂਵਾਲੀ ਨੇ ਆਪਣੀ ਛੋਟੇ ਬਹਿਰ ਦੀ ਇਕ ਗ਼ਜ਼ਲ ਸਰੋਤਿਆਂ ਨਾਲ ਸਾਂਝੀ ਕੀਤੀ। ਤਨਦੀਪ ਤਮੰਨਾ ਨੇ ਪਾਲ ਢਿੱਲੋਂ ਦੀ ਇਕ ਗ਼ਜ਼ਲ ਸ਼ੁਆ ਜੇਕਰ ਹਨੇਰਾ ਚੀਰਦੀ ਹੋਈ ਗੁਜ਼ਰ ਜਾਂਦੀ, ਜ਼ਰਾ ਭਰ ਖ਼ੌਫ਼ ਦੀ ਚਾਦਰ ਦਿਲਾਂ ਉੱਤੋਂ ਉਤਰ ਜਾਂਦੀਸੁਣਾਈ।

-----

ਸੈਸ਼ਨ ਦੇ ਅਖੀਰ ਵਿਚ ਨਦੀਮ ਪਰਮਾਰ ਨੇ ਪ੍ਰਧਾਨਗੀ ਭਾਸ਼ਨ ਦੀ ਥਾਂ ਆਪਣੀ ਇਕ ਛੋਟੇ ਬਹਿਰ ਦੀ ਨਵੀਂ ਗ਼ਜ਼ਲ, ‘ਜਾਣ ਬੇਜਾਨ ਅਈਨਾ ਮੈਨੂੰ, ਦੇ ਗਿਆ ਮੋਨ ਦੀ ਸਜ਼ਾ ਮੈਨੂੰ, ਸੁਣਾ ਕੇ ਸਰੋਤਿਆਂ ਨੂੰ ਨਿਹਾਲ ਕੀਤਾ। ਮੋਹਨ ਗਿੱਲ ਨੇ ਓਕਨਆਗਨ ਪੰਜਾਬੀ ਸੱਥ ਵੱਲੋਂ ਇਹ ਸਮਾਗਮਸਰੀ ਵਿਚ ਕਰਨ ਲਈ ਉਹਨਾ ਦਾ ਧੰਨਵਾਦ ਕੀਤਾ। ਛਿੰਦਾ ਢਿੱਲੋਂ ਦੇ ਸਮਾਗਮ ਵਿਚ ਆਏ ਸੱਜਣਾਂ ਦਾ ਧੰਨਵਾਦ ਕਰਨ ਨਾਲ ਸਭਾ ਦੀ ਸਮਾਪਤੀ ਹੋ ਗਈ। ਇਹ ਸਮਾਰੋਹ ਅਭੁੱਲ ਯਾਦਾਂ ਛੱਡ ਗਿਆ।


Wednesday, September 15, 2010

ਸੰਤੋਖ ਧਾਲੀਵਾਲ ਦੇ ਕਹਾਣੀ-ਸੰਗ੍ਰਹਿ: ‘...ਤੇ ਕਾਨੂ ਮਰ ਗਿਆ ’ ‘ਤੇ ਗੋਸ਼ਟੀ ਅਤੇ ਕਵੀ ਦਰਬਾਰ - ਰਿਪੋਰਟ


ਪੰਜਾਬੀ ਅਕੈਡਮੀ ਨੌਟਿੰਘਮ, ਯੂ.ਕੇ. - 22 ਅਗਸਤ ਦਿਨ ਐਤਵਾਰ, ਪਿਛਲੇ ਸਾਲਾਂ ਦੀ ਤਰ੍ਹਾਂ ਇਸ ਵਰ੍ਹੇ ਵੀ ਇੰਡੀਅਨ ਸੈਂਟਰ ਨੌਟਿੰਘਮ ਤੇ ਏਸ਼ੀਅਨ ਆਰਟਸ ਕੌਂਸਲ ਦੇ ਸਹਿਯੋਗ ਨਾਲ ਪੰਜਾਬੀ ਅਕੈਡਮੀ ਨੌਟਿੰਘਮ ਵਲੋਂ ਸੰਤੋਖ ਧਾਲੀਵਾਲ ਦੀ ਕਹਾਣੀਆਂ ਦੀ ਕਿਤਾਬ ... ਤੇ ਕਾਨੂ ਮਰ ਗਿਆਤੇ ਗੋਸ਼ਟੀ ਤੇ ਕਵੀ ਦਰਬਾਰ ਅਯੋਜਤ ਕੀਤਾ ਗਿਆਇਸ ਸਾਲ ਪ੍ਰੋਗਰਾਮ ਮਹਾਨ ਸ਼ਹੀਦਾਂ, ਊਧਮ ਸਿੰਘ ਤੇ ਮਦਨ ਲਾਲ ਢੀਂਗਰਾ ਨੂੰ ਸ਼ਰਧਾਂਜਲੀਆਂ ਭੇਂਟ ਕਰਨ ਲਈ ਵੀ ਮਨਾਇਆ ਗਿਆ

-----

ਪਹਿਲੇ ਸੈਸ਼ਨ ਦੇ ਪ੍ਰਧਾਨਗੀ ਮੰਡਲ ਚ ਚੈਂਚਲ ਸਿੰਘ ਬਾਬਕ, ਕਸ਼ਮੀਰਾ ਸਿੰਘ, ਸਾਥੀ ਲੁਧਿਆਣਵੀ, ਮੋਤਾ ਸਿੰਘ ਸਰਾਏ, ਹਰਪਾਲ ਬਰਾੜ, ਡਾ. ਰਤਨ ਰੀਹਲ, ਤੇ ਡਾ. ਕਰਨੈਲ ਸ਼ੁਸ਼ੋਭਿਤ ਸਨਸੰਤੋਖ ਧਾਲੀਵਾਲ ਦੀ ਨਵੀਂ ਕਹਾਣੀਆਂ ਦੀ ਕਿਤਾਬ, ...ਤੇ ਕਾਨੂੰ ਮਰ ਗਿਆ ਤੇ ਡਾ. ਰਤਨ ਰੀਹਲ ਨੇ ਪਰਚਾ ਪੜ੍ਹਿਆ ਜਿਸ ਤੇ ਵਿਦਵਾਨਾਂ ਵਲੋਂ ਭਰਵੀਂ ਬਹਿਸ ਹੋਈਬਹਿਸ ਚ ਡਾ. ਦਵਿੰਦਰ ਕੌਰ, ਦਲਬੀਰ ਕੌਰ, ਪੰਜਾਬੋਂ ਆਏ ਡਾ. ਜਾਰਜ ਸਿੰਘ, ਵਰਿੰਦਰ ਪਰਿਹਾਰ, ਮਨਮੋਹਨ ਸਿੰਘ, ਇੰਦਰਜੀਤ ਸਿੰਘ ਜੀਤ ਤੇ ਹੋਰ ਕਈ ਵਿਦਵਾਨਾਂ ਨੇ ਹਿੱਸਾ ਲਿਆਪਰਚੇ ਵਿਚ ਕੀਤੇ ਵਿਸਥਾਰ ਤੇ ਕਈ ਸਵਾਲ ਉਠਾਏ ਗਏ ਜਿਨ੍ਹਾਂ ਦਾ ਡਾ. ਰਤਨ ਰੀਹਲ ਨੇ ਜਵਾਬ ਦਿੱਤਾ

-----

ਪਰਚੇ ਤੋਂ ਮਗਰੋਂ ਹਰਪਾਲ ਬਰਾੜ ਨੇ ਸ਼ਹੀਦਾਂ ਦੀਆਂ ਕ਼ੁਰਬਾਨੀਆਂ ਤੇ ਉਸ ਵੇਲੇ ਦੇ ਭਾਰਤ ਦੀ ਸਿਆਸਤ ਤੇ ਵਿਸਥਾਰ ਵਿਚ ਚਾਨਣਾ ਪਾਇਆ ਤੇ ਕਾਂਗਰਸ ਦੀਆਂ ਦੋਗਲੀਆਂ ਨੀਤੀਆਂ ਨੂੰ ਚੰਗੀ ਤਰ੍ਹਾਂ ਜਗ-ਜ਼ਾਹਿਰ ਕੀਤਾਇਸ ਤੋਂ ਬਾਅਦ, ‘...ਤੇ ਕਾਨੂੰ ਮਰ ਗਿਆਤੇ ਸੰਤੋਖ ਧਾਲੀਵਾਲ ਦੀ ਵਲੈਤੀ ਕਥਾਕਾਰਾਂ ਦੀਆਂ 21 ਕਹਾਣੀਆਂ ਦਾ ਐਡਿਟ ਕੀਤਾ ਸੰਗ੍ਰਹਿ ਕਥਾ ਸਮੁੰਦਰੋਂ ਪਾਰ ਦੀਤੇ ਦਵਿੰਦਰ ਕੌਰ ਦੀ ਨਵੀ ਸੀ. ਡੀ ਦੀਵਾ ਬਾਲ਼ ਕੇ ਰੱਖੀਂਨੂੰ ਰਿਲੀਜ਼ ਕੀਤਾ ਗਿਆ ਸਾਥੀ ਲੁਧਿਆਣਵੀ ਨੇ ਪਹਿਲੇ ਸੈਸ਼ਨ ਨੂੰ ਪੂਰੇ ਵਿਸਥਾਰ ਚ ਸਮੇਟਿਆਕਥਾ ਸਮੁੰਦਰੋਂ ਪਾਰ ਦੀ, ਬਾਰੇ ਮੋਤਾ ਸਿੰਘ ਸਰਾਏ, ਸੰਚਾਲਕ ਯੂਰਪੀਅਨ ਪੰਜਾਬੀ ਸੱਥ ਨੇ ਇਨ੍ਹਾਂ 21 ਕਹਾਣੀਆਂ ਦੇ ਸੰਗ੍ਰਹਿ ਦੀ ਛਪਾਈ ਤੇ ਕਹਾਣੀਆਂ ਦੀ ਇਹੋ ਜਹੀ ਇੰਗਲੈਂਡ ਚ ਪਹਿਲੀ ਕਿਤਾਬ ਦੀ ਮਹੱਤਤਾ ਦਾ ਜ਼ਿਕਰ ਕੀਤਾ ਜਿਸ ਚ ਸਿਰਫ਼ ਸਥਾਪਤ ਕਹਾਣੀਕਾਰ ਹੀ ਦਰਜ ਨਹੀਂ ਕੀਤੇ ਗਏ ਸਗੋਂ ਵਲੈਤ ਚ ਲਿਖੀ ਜਾ ਰਹੀ ਕਹਾਣੀ ਨੂੰ ਪੂਰੀ ਤਰ੍ਹਾਂ ਹਾਈਲਾਈਟ ਕੀਤਾ ਗਿਆ ਹੈਕਥਾ ਸਮੁੰਦਰੋਂ ਪਾਰ ਦੀ ਕਹਾਣੀ ਸੰਗ੍ਰਹਿ ਇੱਕ ਦਸਤਾਵੇਜ਼ ਬਣ ਗਿਆ ਹੈ

-----

ਰੈਡ ਹੌਟ ਰੈਸਟੋਰੈਂਟ ਤੋਂ ਆਏ ਪਕੌੜੇ, ਸਮੋਸੇ ਤੇ ਬੇਸਣ, ਤੇ ਚਾਹ ਤੇ ਕੌਫੀ ਦੇ ਘੁੱਟਾਂ ਨਾਲ ਛੋਟੀ ਜਿਹੀ ਬਰੇਕ ਮਗਰੋਂ ਕਵੀ ਦਰਬਾਰ ਦੀ ਸ਼ਰੂਆਤ ਡਾ. ਦਵਿੰਦਰ ਕੌਰ ਨੇ ਹੀਰ ਗਾ ਕੇ ਕੀਤੀ ਕਵੀ ਦਰਬਾਰ ਦੀ ਪ੍ਰਧਾਨਗੀ ਪੰਜਾਬੋਂ ਆਏ ਡਾ. ਅੰਬਰੀਸ਼, ਉਨ੍ਹਾਂ ਦੀ ਪਤਨੀ ਪਰਮਜੀਤ, ਭੁਪਿੰਦਰਪ੍ਰੀਤ, ਬਿਪਨਪ੍ਰੀਤ, ਡਾ. ਦਵਿੰਦਰ ਕੌਰ, ਦਲਬੀਰ ਕੌਰ, ਕੁਲਵੰਤ ਢਿੱਲੋਂ, ਵਰਿੰਦਰ ਪਰਿਹਾਰ ਤੇ ਦਰਸ਼ਨ ਬੁਲੰਦਵੀ ਨੇ ਕੀਤੀਸਰੋਤਿਆਂ ਚ ਐਕਸੀਡੈਂਟ ਤੋਂ ਬਾਅਦ ਸਿਹਤ ਬਹੁਤੀ ਠੀਕ ਨਾ ਹੋਣ ਦੇ ਬਾਵਜੂਦ ਵੀ ਹਰਬਖ਼ਸ਼ ਮਕਸੂਦਪੁਰੀ ਤੇ ਹੋਰ ਬਹੁਤ ਸਾਰੀਆਂ ਉੱਚ ਦੁਮਾਲੜੀਆਂ ਸ਼ਖ਼ਸੀਅਤਾਂ ਨੇ ਹਾਜ਼ਰੀ ਲੁਆਈ

-----

ਕਵੀ ਦਰਬਾਰ ਚ ਡਾ. ਦਵਿੰਦਰ ਕੌਰ, ਡਾ.ਅੰਬਰੀਸ਼, ਪਰਮਜੀਤ, ਭੁਪਿੰਦਰਪ੍ਰੀਤ, ਬਿਪਨਪ੍ਰੀਤ, ਵਰਿੰਦਰ ਪਰਿਹਾਰ, ਦਰਸ਼ਨ ਬੁਲੰਦਵੀ, ਜਸਵਿੰਦਰ ਮਾਨ, ਕੁਲਵੰਤ ਢਿੱਲੋਂ, ਰਾਜਿੰਦਰਜੀਤ, ਸਾਥੀ ਲੁਧਿਆਣਵੀ, ਡਾ. ਰਤਨ ਰੀਹਲ, ਇੰਦਰਜੀਤ ਜੀਤ, ਕਿਰਪਾਲ ਪੂਨੀ, ਡਾ. ਕਰਨੈਲ, ਕੁਲਦੀਪ ਬਾਂਸਲ, ਹਰਵਿੰਦਰ ਬਣਵੈਤ, ਮੁਹਿੰਦਰ ਸਿੰਘ ਦਿਲਬਰ, ਹਰਜਿੰਦਰ ਸੰਧੂ ਤੇ ਦਲਜੀਤ ਕੌਰ ਨਿੱਝਰ ਨੇ ਆਪਣੀਆਂ ਨਵੀਆਂ ਕਵਿਤਾਵਾਂ ਨਾਲ ਹਾਜ਼ਰੀ ਲੁਆਈਖਚਾ-ਖਚ ਭਰੇ ਹਾਲ ਚ ਪੰਜਾਬੋਂ ਆਈਆਂ ਸ਼ਾਇਰ ਜੋੜੀਆਂ ਨੂੰ ਸਨਮਾਨਿਤ ਕੀਤਾ ਗਿਆਅੰਤ ਚ ਕਸ਼ਮੀਰਾ ਸਿੰਘ ਨੇ ਆਏ ਮਹਿਮਾਨਾਂ ਤੇ ਸਰੋਤਿਆਂ ਦਾ ਧੰਨਵਾਦ ਕੀਤਾ

------

30 ਲੱਖ ਪੌਂਡਾਂ ਦੀ ਲਾਗਤ ਨਾਲ ਖ਼ਰੀਦੇ ਤੇ ਸ਼ਿੰਗਾਰੇ ਇੰਡੀਅਨ ਸੈਂਟਰ ਦੇ ਖ਼ੂਬਸੂਰਤ ਹਾਲ ਚ 200 ਤੋਂ ਉੱਪਰ ਕਵੀਆਂ ਤੇ ਸਰੋਤਿਆਂ ਨੇ ਮਿਲਕੇ ਖਾਣਾ ਖਾਧਾ ਤੇ ਰੁਖ਼ਸਤੀ ਲਈਇੱਕ ਵਾਰ ਫੇਰ ਇਸ ਵਰ੍ਹੇ ਵੀ ਨੌਟਿੰਘਮ ਦਾ ਪ੍ਰੋਗਰਾਮ ਇੱਕ ਮਿਸਾਲ ਬਣਿਆਸੰਤੋਖ ਧਾਲੀਵਾਲ ਨੇ ਦੋਨਾਂ ਸੈਸ਼ਨਾਂ ਦੀ ਸਟੇਜ ਸੰਭਾਲੀ ਤੇ ਹਾਜ਼ਿਰ ਕਵੀਆਂ, ਸਰੋਤਿਆਂ, ਇੰਡੀਅਨ ਸੈਂਟਰ ਦੇ ਬੋਰਡ ਤੇ ਕਰਮਚਾਰੀ, ਏਸ਼ੀਅਨ ਆਰਟਸ ਕੌਂਸਲ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾਨੌਟਿੰਘਮ ਦੀ ਪੰਜਾਬੀ ਵਸੋਂ ਵੱਲੋਂ ਭਰਵੇਂ ਹੁੰਘਾਰੇ ਨੇ ਪ੍ਰਬੰਧਕਾਂ ਦਾ ਹੌਸਲਾ ਹੋਰ ਵੀ ਬੁਲੰਦ ਕੀਤਾ






'ਪੁੰਗਰਦੇ ਹਰਫ਼’ ਅਤੇ P.A.U. ਸਾਹਿਤ ਸਭਾ ਵੱਲੋਂ ਕਵੀ-ਦਰਬਾਰ ਦਾ ਆਯੋਜਨ - ਰਿਪੋਰਟ


ਰਿਪੋਰਟ: ਰੇਨੂ ਨਈਅਰ: 'ਪੁੰਗਰਦੇ ਹਰਫ਼ ਸਮਾਜਿਕ-ਸਭਿਆਚਾਰਕ ਸੋਸਾਇਟੀ (ਰਜਿ.) ਅਤੇ P.A.U. ਸਾਹਿਤ ਸਭਾ ਦੇ ਸਾਂਝੇ ਸਹਿਯੋਗ ਨਾਲ 4 ਸਿਤੰਬਰ 2010 ਨੂੰ ਪੰਜਾਬੀ ਭਵਨ ਲੁਧਿਆਣਾ ਵਿਖੇ ਕਵੀ ਦਰਬਾਰ ਕਰਵਾਇਆ ਗਿਆ। ਪੁੰਗਰਦੇ ਹਰਫ਼ ਸੋਸਾਇਟੀ, ਜੋ ਨਵੇਂ ਕਵੀਆਂ ਦੇ ਦੋ ਕਾਵਿ - ਸੰਗ੍ਰਿਹ ਸਾਹਿਤ ਜਗਤ ਨੂੰ ਦੇ ਚੁੱਕੀ ਹੈ ਅਤੇ ਤੀਜੇ ਕਾਵਿ-ਸੰਗ੍ਰਿਹ ਤੇ ਕੰਮ ਕਰ ਰਹੀ ਹੈ, ਵੱਲੋਂ ਇਹ ਖਾਸ ਉਪਰਾਲਾ ਨਵੇਂ ਕਵੀਆਂ ਨੂੰ ਸਾਂਝਾ ਮੰਚ ਦੇਣ ਲਈ ਕੀਤਾ ਗਿਆ । P.A.U. ਸਾਹਿਤ ਸਭਾ ਵੱਲੋਂ ਜਿਥੇ ਗੁਲਜ਼ਾਰ ਪੰਧੇਰ ਜੀ ਨੇ ਖ਼ਾਸ ਸ਼ਿਰਕਤ ਕੀਤੀ ਉਥੇ ਹੀ ਉਹਨਾਂ ਨੇ ਇਹਨਾਂ ਨਵੇਂ ਕਵੀਆਂ ਨੂੰ ਲਿਖਣ ਦੀ ਸੇਧ ਦਿੰਦੇ ਹੋਏ ਸਮਾਜਿਕ ਮੁੱਦਿਆਂ ਤੇ ਵੀ ਲਿਖਣ ਲਈ ਪ੍ਰੇਰਿਤ ਕੀਤਾ।

-----

ਇਹ ਕਵੀ ਦਰਬਾਰ ਖ਼ਾਸ ਕਰ ਕੇ ਉਹਨਾਂ ਪੰਜਾਬੀ ਲਿਖਾਰੀਆਂ ਲਈ ਕਰਵਾਇਆ ਗਿਆ ਜੋ ਦੇਸ਼ ਤੋਂ ਬਾਹਰ ਰਹਿ ਕੇ ਵੀ ਮਾਂ-ਬੋਲੀ ਦੀ ਸੇਵਾ ਕਰ ਰਹੇ ਹਨ। ਸੁਖਦਰਸ਼ਨ ਧਾਲੀਵਾਲ (Kansaf City, USA) ਅਤੇ ਰਮਨ ਸੰਧੂ (Qatar) ਦੇ ਨਾਮ ਇਸੇ ਲੜੀ ਵਿਚ ਸ਼ਾਮਿਲ ਹਨ। ਇਹਨਾਂ ਨੇ ਮਾਂ-ਬੋਲੀ ਪ੍ਰਤੀ ਆਪਣੇ ਪਿਆਰ ਬਾਰੇ, ਆਪਣੀ ਕਲਮ ਦੇ ਸਫ਼ਰ ਬਾਰੇ ਦੱਸਦਿਆਂ ਹੋਇਆਂ ਆਪਣੀਆਂ ਗ਼ਜ਼ਲਾਂ ਵੀ ਸਾਂਝੀਆਂ ਕੀਤੀਆਂ।

-----

ਜਸਵਿੰਦਰ ਮਹਿਰਮ, ਜਤਿੰਦਰ ਸੰਧੂ, ਸ਼ੈਲੀ ਅਰੋੜਾ, ਖ਼ੁਸ਼ਹਾਲ ਸਿੰਘ, ਨਿਵੇਦਿਤਾ ਸ਼ਰਮਾ, ਨਵਕਿਰਣ ਜੋਤ, ਜਗਜੀਤ ਹਾਂਸ, ਇੰਦਰਜੀਤ ਕੌਰ, ਰੇਨੂੰ ਨਈਅਰ, ਗੁਰਪ੍ਰੀਤ ਮਾਨ ਹੋਰਾਂ ਨੇ ਵੀ ਆਪਣੀਆਂ ਰਚਨਾਵਾਂ ਸਾਂਝੀਆਂ ਕੀਤੀਆਂ । ਇਸ ਮੌਕੇ ਹਰਪ੍ਰੀਤ ਸਿੰਘ ਮੋਗਾ ਦੀ ਗ਼ਜ਼ਲਾਂ ਦੀ ਤੀਜੀ ਸੀ.ਡੀ "ਇਜ਼ਹਾਰ" ਵੀ ਰਿਲੀਜ਼ ਕੀਤੀ ਗਈ। ਇਸੇ ਸੀ.ਡੀ. ਵਿੱਚੋਂ ਉਹਨਾਂ ਨੇ ੩ ਗ਼ਜ਼ਲਾਂ ਆਪ ਗਾ ਕੇ ਸੁਨੀਆਂ ਜਿਹਨਾਂ ਦਾ ਸਰੋਤਿਆਂ ਨੇ ਖ਼ੂਬ ਆਨੰਦ ਮਾਣਿਆ।

-----

ਸਭਾ ਦੇ ਅੰਤ ਵਿੱਚ ਪ੍ਰਧਾਨਗੀ ਮੰਡਲ ਵੱਲੋਂ ਹਰ ਕਵੀ ਨੂੰ ਸਨਮਾਨ-ਚਿੰਨ੍ਹ ਅਤੇ ਪ੍ਰਮਾਣ-ਪੱਤਰ ਦਿੱਤੇ ਗਏ ਅਤੇ ਕਵਿਤਾ ਦੇ ਖੇਤਰ ਵਿਚ ਹੋਰ ਅੱਗੇ ਵਧਣ ਲਈ ਪ੍ਰੇਰਿਤ ਕੀਤਾ ਗਿਆ। ਸੋਸਾਇਟੀ ਦੇ ਪ੍ਰਧਾਨ ਵੱਲੋਂ ਸਭ ਮਹਿਮਾਨਾਂ ਦਾ ਧੰਨਵਾਦ ਕੀਤਾ ਗਿਆ।



Tuesday, September 14, 2010

ਸੰਤ ਬਾਬਾ ਬਲਬੀਰ ਸਿੰਘ ਜੀ ਸੀਚੇਵਾਲ ਨਾਲ਼ ਇਕ ਮਿਲਣੀ - ਰਿਪੋਰਟ

ਪੰਜਾਬੀ ਸੱਥ: ਵਾਲਸਾਲ: ਇੰਗਲੈਂਡ ਦੇ ਮਿਡਲੈਂਡਜ਼ ਇਲਾਕੇ ਦੇ ਅਤਿ ਪ੍ਰਾਚੀਨ ਤੇ ਰਮਣੀਕ ਸ਼ਹਿਰ ਵਾਲਸਾਲ ਦੀ ਸੰਘਣੇ ਰੁੱਖਾਂ ਦੀਆਂ ਝੰਗੀਆਂ ਵਾਲੀ ਹਰੀ ਭਰੀ ਸੜਕ ਕੁਈਨਜ਼ ਰੋਡ ਦੇ 11 ਨੰਬਰ ਦੇ ਘਰ ਵਿਚ ਸੰਤ ਬਾਬਾ ਬਲਬੀਰ ਸਿੰਘ ਜੀ ਸੀਚੇਵਾਲ ਦੀ ਆਮਦ ਨਾਲ ਸਮੁੱਚੀ ਕੁਦਰਤ ਹੀ ਮਹਿਕ ਉੱਠੀਯੂਰਪੀ ਪੰਜਾਬੀ ਸੱਥ ਦੇ ਕਰਤਾ ਧਰਤਾ ਸ. ਮੋਤਾ ਸਿੰਘ ਸਰਾਏ, ਬੀਬੀ ਰਸ਼ਪਿੰਦਰ ਕੌਰ ਸਰਾਏ, ਅਤੇ ਉਹਨਾਂ ਦੀਆਂ ਪਿਆਰੀਆਂ ਧੀਆਂ ਕੁਲਜੀਤ ਕੌਰ ਸਰਾਏ ਅਤੇ ਰਣਦੀਪ ਕੌਰ ਸਰਾਏ ਤੇ ਸੁਘੜ ਸਿਆਣੀ ਭੈਣ ਸੁਖਵਿੰਦਰ ਕੌਰ ਬੋਪਾਰਾਏ ਹੋਰਾਂ ਦੇ ਨਿੱਘੇ ਸੱਦੇ ਤੇ ਨਵੇਂ ਘਰ ਰੂਪੀ ਦਰਖ਼ਤਾਂ ਨਾਲ ਘਿਰੇ ਆਲ੍ਹਣੇ ਵਿਚ ਏਸ ਪਰਿਵਾਰ ਵਲੋਂ ਮਿਤੀ 7.9.2010 ਦਿਨ ਮੰਗਲਵਾਰ ਨੂੰ ਆਪਣੇ ਭਾਈਚਾਰੇ ਦੇ ਵੀਹ ਪੱਚੀ ਭੈਣ ਭਰਾਵਾਂ ਨਾਲ ਸੰਤਾਂ ਦਾ ਧੰਨਵਾਦ ਕਰਨ ਅਤੇ ਉਹਨਾਂ ਵਲੋਂ ਕੀਤੇ ਜਾ ਰਹੇ ਕਾਰਜਾਂ ਦੀ ਜਾਣਕਾਰੀ ਪ੍ਰਾਪਤ ਕਰਨ ਲਈ ਇਸ ਮਿਲਣੀ ਦਾ ਪ੍ਰਬੰਧ ਕੀਤਾ ਗਿਆ

-----

ਬਾਬਾ ਜੀ ਨੂੰ ਇਸ ਵਿਸ਼ਾਲ ਵਲਾਇਤੀ ਘਰ ਵਿਚ ਜਦੋਂ ਢੇਰਾਂ ਦੇ ਢੇਰ ਪੰਜਾਬੀ ਪੁਸਤਕਾਂ ਅਤੇ ਹਰੇ ਕਚੂਰ ਘਾਹ ਦੇ ਦਰਸ਼ਨ ਹੋਏ ਤਾਂ ਉਹ ਗਦ ਗਦ ਹੋ ਉੱਠੇਘਰ ਦਾ ਗੇੜਾ ਕੱਢਦਿਆਂ ਮੋਤਾ ਸਿੰਘ ਹੋਰਾਂ ਬਾਬਾ ਜੀ ਨੂੰ ਦੱਸਿਆ ਕਿ ਭਾਵੇਂ ਇਹ ਜਾਇਦਾਦ ਉਹਨਾਂ ਦੀ ਨਿੱਜੀ ਹੈ ਪਰ ਭਵਿੱਖ ਵਿਚ ਇਸ ਦੀ ਵਰਤੋਂ ਆਪਣੀ ਬੋਲੀ, ਸਭਿਆਚਾਰ, ਵਿਰਾਸਤ ਤੇ ਵਾਤਾਵਰਣ ਨੂੰ ਜਾਨਣ, ਸਮਝਣ ਤੇ ਅੱਗੇ ਵਧਾਉਣ ਲਈ ਸਾਰਿਆਂ ਦੇ ਸਹਿਯੋਗ ਨਾਲ ਕੀਤੀ ਜਾਵੇਗੀਯੂਰਪੀ ਪੰਜਾਬੀ ਸੱਥ ਲਈ ਇਹ ਅਸਥਾਨ ਮੁੱਖ ਦਫ਼ਤਰ, ਮਿਲਣੀਆਂ ਦਾ ਕੇਂਦਰ, ਲਾਇਬ੍ਰੇਰੀ, ਅਜਾਇਬ ਘਰ, ਪੁਸਤਕ ਭੰਡਾਰ ਅਤੇ ਸਰਬੱਤ ਦੇ ਭਲੇ ਲਈ ਕੀਤੇ ਜਾਣ ਵਾਲੇ ਕਾਰਜਾਂ ਦਾ ਕੇਂਦਰ ਹੋਵੇਗਾ

-----

ਇਸ ਅਤਿਅੰਤ ਅਹਿਮ ਅਤੇ ਗੰਭੀਰ ਮਿਲਣੀ ਵਿਚ ਜਿੰਨੇ ਵੀ ਭੈਣ ਭਰਾ ਸ਼ਾਮਿਲ ਹੋਏ ਉਹ ਆਪਣੇ ਆਪ ਵਿਚ ਹੀ ਮਨੁੱਖ ਨਹੀਂ ਸੰਸਥਾਵਾਂ ਸਨਸਭ ਤੋਂ ਪਹਿਲਾਂ ਪੁੱਜੇ ਬਜ਼ੁਰਗ਼ਵਾਰ, ਪੰਜਾਬੀਆਂ ਦੀ ਹਰ ਮਹਿਫ਼ਲ ਵਿਚ ਹਾਸਿਆਂ ਦੇ ਖੁੱਲ੍ਹੇ ਗੱਫੇ ਵੰਡਣ ਤੇ ਪਿੱਛੋਂ ਗੰਭੀਰ ਸੋਚਾਂ ਵਿਚ ਪਾਉਣ ਵਾਲੇ ਸ. ਤੇਜਾ ਸਿੰਘ ਤੇਜ ਕੋਟਲੇ ਵਾਲਾ ਜੀ ਸਨਯੂਰਪੀ ਪੰਜਾਬੀ ਸੱਥ ਦੇ ਬਹੁਤ ਹੀ ਮਜ਼ਬੂਤ ਥੰਮ੍ਹ ਅਤੇ ਸੂਝਵਾਨ ਚਿੰਤਕ ਤੇ ਕਵੀ ਹਰਜਿੰਦਰ ਸਿੰਘ ਸੰਧੂ, ਧਰਮ ਪਤਨੀ ਬੀਬੀ ਦਲਬੀਰ ਕੌਰ ਅਤੇ ਉਹਨਾਂ ਦਾ ਬੇਟਾ ਅਤੇ ਸੰਧੂ ਹੋਰਾਂ ਦੇ ਵੱਡੇ ਭਰਾਤਾ ਸ.ਇੰਦਰਜੀਤ ਸਿੰਘ ਸੰਧੂ,ਜੋ ਕਿ ਅੱਜ ਕਲ ਪੰਜਾਬ ਤੋਂ ਇੱਥੇ ਆਏ ਹੋਏ ਹਨ, ਪਰਿਵਾਰ ਸਮੇਤ ਹਾਜ਼ਿਰ ਹੋਏਸੰਧੂ ਹੋਰੀਂ ਦੁਆਬੇ ਦੀ ਧਰਤੀ ਦੀ ਸਿਰਮੌਰ ਸੰਸਥਾ ਮੰਜਕੀ ਪੰਜਾਬੀ ਸੱਥ ਭੰਗਾਲਾਦੀ ਸੱਜੀ ਬਾਂਹ ਹਨਯੂਰਪੀ ਸੱਥ ਦੇ ਮੋਢੀਆਂ ਚੋਂ, ਵਰ੍ਹਿਆਂ ਤੋਂ ਯੂ.ਕੇ. ਦੀ ਧਰਤੀ ਤੇ ਵਸਦੇ ਅਤੇ ਮਾਂ-ਬੋਲੀ ਅਤੇ ਪੰਜਾਬੀ ਸਭਿਆਚਾਰ ਦੇ ਪ੍ਰਚਾਰ ਪ੍ਰਸਾਰ ਲਈ ਸੰਘਰਸ਼ਸ਼ੀਲ ਕਵੀ ਤੇ ਸਟੇਜ ਦੇ ਧਨੀ ਸ. ਨਿਰਮਲ ਸਿੰਘ ਕੰਧਾਲਵੀ ਵੀ ਇਸ ਮਿਲਣੀ ਦੀ ਅਹਿਮ ਹਸਤੀ ਸਨਪੰਜਾਬਣ ਮਾਂ ਦੀ ਸੁੱਖਾਂ ਲੱਧੀ ਧੀ ਡਾਕਟਰ ਦਵਿੰਦਰ ਕੌਰ ਜੋ ਕਿ ਇਕ ਗੰਭੀਰ ਕਵਿੱਤਰੀ, ਗਾਇਕਾ ਹੋਣ ਤੋਂ ਇਲਾਵਾ ਸਾਹਿਤਿਕ ਆਲੋਚਨਾ ਦੇ ਖੇਤਰ ਵਿਚ ਵੀ ਇਕ ਪ੍ਰਮੁੱਖ ਨਾਮ ਹੈ, ਹੋਰੀਂ ਵੀ ਇਸ ਸਮੇਂ ਹਾਜ਼ਰ ਸਨਇੰਜ ਹੀ ਗੁਰਮਤਿ ਚਿੰਤਨ. ਮੀਡੀਆ ਪੱਤਰਕਾਰੀ ਅਤੇ ਸਮਾਜਿਕ ਪਰਿਵਰਤਨ ਲਈ ਸਦਾ ਹੀ ਯਤਨਸ਼ੀਲ ਪੰਜਾਬੀਆਂ ਦੀ ਮਾਣਮੱਤੀ ਹਸਤੀ ਸ. ਕੁਲਵੰਤ ਸਿੰਘ ਢੇਸੀ ਹੋਰਾਂ ਦੀ ਮੌਜੂਦਗੀ ਇਸ ਮਿਲਣੀ ਦਾ ਖ਼ਾਸ ਹਾਸਿਲ ਸੀ

-----

ਇਸ ਦੇਸ਼ ਵਿਚ ਵਸਦੇ ਦੱਖਣੀ ਏਸ਼ੀਆ ਦੇ ਵਿਭਿੰਨ ਭਾਈਚਾਰਿਆਂ ਦੀ ਦਿਨ ਰਾਤ ਸੇਵਾ ਵਿਚ ਜੁਟੀ ਪ੍ਰਸਿੱਧ ਹਸਤੀ ਸ. ਦਲ ਸਿੰਘ ਢੇਸੀ ਕੌਂਸਲਰ ਗੁਰਦੇਵ ਸਿੰਘ ਮਣਕੂ ਹੋਰਾਂ ਨੂੰ ਨਾਲ ਲੈ ਕੇ ਹਾਜ਼ਰ ਹੋਏਅੱਜ ਦੀ ਮਿਲਣੀ ਵਿਚ ਉਹਨਾਂ ਨੇ ਬਾਬਾ ਬਲਬੀਰ ਸਿੰਘ ਜੀ ਨੂੰ ਉਹਨਾਂ ਦੀਆਂ ਪ੍ਰਦੂਸ਼ਣ ਮੁਕਤੀ ਸੰਬੰਧੀ ਸੇਵਾਵਾਂ ਨੂੰ ਮੁੱਖ ਰੱਖਦਿਆਂ ਸਨਮਾਨ ਪੱਤਰ ਦੇ ਕੇ ਸਨਮਾਨਿਤ ਕੀਤਾਢੇਸੀ ਹੋਰਾਂ ਵਲੋਂ ਪੰਜਾਬੀ ਸੱਥ ਲਾਂਬੜਾ ਦੇ ਸੇਵਾਦਾਰ ਡਾਕਟਰ ਨਿਰਮਲ ਸਿੰਘ ਜੀ ਨੂੰ ਵੀ ਸਨਮਾਨ ਪੱਤਰ ਦੇ ਸਨਮਾਨਿਤ ਕੀਤਾ ਗਿਆ

-----

ਸ੍ਰੀ ਮਹਿੰਦਰ ਸਿੰਘ ਦਿਲਬਰ ਜੋ ਕਿ ਸੱਥ ਦੇ ਕਾਰਜਾਂ ਵਿਚ ਕਈ ਮਹੱਤਵਪੂਰਨ ਸੇਵਾਵਾਂ ਨਿਭਾਉਂਦੇ ਹਨ ਅਤੇ ਖ਼ੁਦ ਸਮਾਜ ਸੁਧਾਰਕ ਅਤੇ ਅਗਾਂਹ ਵਧੂ ਕਵੀ ਹਨ, ਇਸ ਸਮੇਂ ਮੌਜੂਦ ਸਨਦਿਲਬਰਹੋਰਾਂ ਦੀ ਕਿਤਾਬ ਕਾਲਾ ਗੁਲਾਬ ਚਿੱਟੀ ਮਹਿਕਅਜੇ ਹੁਣੇ ਹੀ ਪੰਜ ਸਤੰਬਰ ਨੂੰ ਪੰਜਾਬੀ ਸੱਥ ਦੀ ਦਸਵੀਂ ਪਰ੍ਹਿਆ ਵਿਚ ਲੋਕ ਅਰਪਣ ਕੀਤੀ ਗਈ ਹੈਯੂਰਪੀ ਪੰਜਾਬੀ ਸੱਥ ਵਲੋਂ ਛਾਪੀ ਗਈ ਦਿਲਬਰਹੋਰਾਂ ਦੀ ਇਹ ਪਲੇਠੀ ਕਿਤਾਬ ਹੈ

ਹੋਰ ਹਸਤੀਆਂ ਵਿਚੋਂ ਪੰਜਾਬ ਦੀ ਮਾਂ ਖੇਡ ਕਬੱਡੀ ਨੂੰ ਪ੍ਰੋਤਸਾਹਿਤ ਕਰਨ, ਆਪਣੇ ਮੰਜਕੀ ਖੇਤਰ ਦੇ ਪੁਸ਼ਤੈਨੀ ਪਿੰਡ ਸ਼ਾਦੀ ਪੁਰ ਦੀ ਬਾਬਾ ਸੀਚੇਵਾਲ ਜੀ ਦੀ ਅਗਵਾਈ ਨਾਲ ਕਾਇਆ ਕਲਪ ਕਰਨ ਵਾਲੇ ਅਣਥੱਕ ਸਮਾਜ ਸੁਧਾਰਕ ਸ. ਅਜਾਇਬ ਸਿੰਘ ਗਰਚਾ, ਯੂਰਪੀ ਪੰਜਾਬੀ ਸੱਥ ਦੇ ਇਕ ਹੋਰ ਅਹਿਮ ਬੇਲੀ ਸ. ਨਛੱਤਰ ਸਿੰਘ, ਗੁਰਦੁਆਰਾ ਵਿਲਨਹਾਲ ਦੇ ਸਾਬਕਾ ਹੈੱਡ ਗ੍ਰੰਥੀ ਭਾਈ ਜਰਨੈਲ ਸਿੰਘ ਪ੍ਰਭਾਕਰ ਆਪਣੀ ਅਰਧੰਗਣੀ ਸਮੇਤ ਹਾਜ਼ਿਰ ਹੋਏ

-----

ਇਹਨਾਂ ਸਾਰਿਆਂ ਭੈਣਾਂ ਭਰਾਵਾਂ ਅਤੇ ਸੰਤ ਜੀ ਨੂੰ ਜੀ ਆਇਆਂ ਆਖਦਿਆਂ ਮੋਤਾ ਸਿੰਘ ਸਰਾਏ ਹੋਰਾਂ ਸਭ ਦਾ ਹਾਰਦਿਕ ਧੰਨਵਾਦ ਕੀਤਾਉਹਨਾਂ ਪੰਜਾਬੀ ਸੱਥ ਵਲੋਂ ਕੀਤੇ ਜਾਂਦੇ ਕਾਰਜਾਂ ਅਤੇ ਕਾਲੀ ਵੇਈਂ ਦੀ ਕਾਰ ਸੇਵਾ ਦੀ ਮੁਹਿੰਮ ਸੰਬੰਧੀ ਖੋਲ੍ਹ ਕੇ ਦੱਸਿਆਉਹਨਾਂ ਮਾਂ-ਬੋਲੀ ਦੀ ਯੂਰਪੀ ਦੇਸ਼ਾਂ ਵਿਚ ਹਾਲਤ ਬਾਰੇ ਬੋਲਦਿਆਂ ਕਿਹਾ ਕਿ ਜੇਕਰ ਆਪਾਂ ਸਾਰੇ ਨਿੱਕੇ ਮੋਟੇ ਗਿਲੇ ਸ਼ਿਕਵੇ ਮੁਕਾ ਕੇ ਸੰਤ ਜੀ ਵਾਂਗ ਸਰਬੱਤ ਦੇ ਭਲੇ ਨੂੰ ਮੁੱਖ ਰੱਖ ਕੇ ਭਾਈਚਾਰੇ ਦੀ ਸੇਵਾ ਵਿਚ ਜੁੱਟ ਜਾਈਏ ਤਾਂ ਨਤੀਜੇ ਜ਼ਰੂਰ ਹੀ ਹਾਂ ਪੱਖੀ ਨਿਕਲਣਗੇਉਹਨਾਂ ਬਾਬਾ ਜੀ ਵਲੋਂ ਕੀਤੇ ਕਾਰਜਾਂ ਤੋਂ ਸੇਧ ਲੈਂਦਿਆਂ, ਧੜੇਬੰਦੀਆਂ, ਵੰਡਾਂ ਦਰ ਵੰਡਾਂ ਨੂੰ ਇਕ ਪਾਸੇ ਰਖਦਿਆਂ, ਸੌੜੀਆਂ ਸਿਆਸਤਾਂ ਅਤੇ ਘੜੰਮ ਚੌਧਰੀਆਂ ਤੋਂ ਬਚਦਿਆਂ ਸਾਰਿਆਂ ਨੂੰ ਇਕ ਲੜੀ ਵਿਚ ਪ੍ਰੋ ਕੇ ਗੰਭੀਰਤਾ ਨਾਲ ਸੋਚਣ ਲਈ ਹੀ ਨਹੀਂ ਸਗੋਂ ਅਮਲ ਕਰਨ ਦੀ ਸਲਾਹ ਦਿਤੀ

-----

ਯੂਰਪੀ ਪੰਜਾਬੀ ਸੱਥ ਵਲੋਂ ਛਾਪੀਆਂ ਗਈਆਂ 85 ਕਿਤਾਬਾਂ, ਵਿਰਾਸਤੀ ਕੈਲੰਡਰ, ਦੋ ਦੋ ਤੋਲੇ ਦੇ ਖਰੇ ਸੋਨੇ ਦੇ ਮੈਡਲਾਂ ਨਾਲ ਹਰੇਕ ਸਾਲ ਹੋਣ ਵਾਲੇ ਸਨਮਾਨ ਸਮਾਗਮ, ਕੁਇੰਟਲਾਂ ਦੇ ਹਿਸਾਬ ਨਾਲ ਪੰਜਾਬ ਤੋਂ ਆਪਣੇ ਖ਼ਰਚੇ ਤੇ ਲਿਆਂਦੀਆਂ ਕਿਤਾਬਾਂ ਨੂੰ ਸਿਰਫ਼ ਯੂ.ਕੇ. ਹੀ ਨਹੀਂ ਸਗੋਂ ਯੂਰਪ ਭਰ ਤੀਕ ਪਹੁੰਚਾਉਣ ਸੰਬੰਧੀ ਜਾਣਕਾਰੀ ਦੇ ਕੇ ਅਜਿਹੇ ਸਾਰੇ ਖ਼ਦਸ਼ਿਆਂ ਤੋਂ ਸਾਰਿਆਂ ਨੂੰ ਮੁਕਤ ਕਰ ਦਿਤਾ ਕਿ ਪੰਜਾਬੀ ਬੋਲੀ ਮਰ ਰਹੀ ਹੈਸੱਥ ਵਲੋਂ ਪਾਈ ਨਵੀਂ ਪਿਰਤ, ਲੇਖਕਾਂ ਅਤੇ ਵਿਦਵਾਨਾਂ ਦੀਆਂ ਸੁਪਤਨੀਆਂ ਨੂੰ ਸਨਮਾਨਿਤ ਕਰਨਾ, ਆਪਣੇ ਆਪ ਵਿਚ ਹੀ ਪੰਜਾਬੀ ਸਭਿਆਚਾਰ ਦਾ ਇਕ ਇਤਿਹਾਸਕ ਮੋੜ ਹੈਮੋਤਾ ਸਿੰਘ ਹੋਰਾਂ ਬਾਬਾ ਜੀ ਨੂੰ ਆਪਣੇ ਪ੍ਰਵਚਨਾਂ ਰਾਹੀਂ ਸਰੋਤਿਆਂ ਨੂੰ ਨਿਹਾਲ ਕਰਨ ਲਈ ਬੇਨਤੀ ਕੀਤੀ

-----

ਬਾਬਾ ਜੀ ਨੇ ਵੇਈਂ ਦੇ ਕਾਰਜਾਂ ਤੋਂ ਵੀ ਪਹਿਲਾਂ ਰਸਤਿਆਂ,ਸੜਕਾਂ ਦੀ ਸੇਵਾ, ਖੇਡਾਂ, ਰੁੱਖ ਲਾਉਣ, ਕਵੀ ਦਰਬਾਰਾਂ ਅਤੇ ਸਕੂਲ ਖੋਲ੍ਹਣ ਸੰਬੰਧੀ ਦੱਸਦਿਆਂ ਕਿਹਾ ਕਿ ਜੇ ਅਸੀਂ ਨਾਂਹ-ਪੱਖੀ ਵਿਚਾਰਾਂ ਤੋਂ ਖਹਿੜਾ ਛੁਡਵਾ ਕੇ ਹਾਂ-ਪੱਖੀ ਵਿਚਾਰਾਂ ਦੇ ਧਾਰਨੀ ਬਣ ਜਾਈਏ ਤਾਂ ਕੁਝ ਵੀ ਅਸੰਭਵ ਨਹੀਂ15 ਜੁਲਾਈ 2010 ਵਿਚ ਜਲੰਧਰ ਵਿਖੇ ਪੰਜਾਬੀ ਸੱਥਅਤੇ ਧਰਤਿ ਸੁਹਾਵੀਦੇ ਇਕ ਭਰਵੇਂ ਸਮਾਗਮ ਸਮੇਂ ਸੰਤਾਂ ਵਲੋਂ ਕਾਲੀ ਵੇਈਂ ਦੀ, ਸਿੱਖੀ ਦੇ ਸੋਮੇ ਸੁਲਤਾਨ ਪੁਰ ਲੋਧੀ ਤੋਂ ਸ਼ੁਰੂ ਹੋਈ ਕਾਰ ਸੇਵਾ ਦਾ ਪਿਛਲੇ ਦਸਾਂ ਸਾਲਾਂ ਦਾ ਲੇਖਾ ਕਰਦਿਆਂ ਉਹਨਾਂ ਕਿਹਾ ਕਿ ਬਦਲਵੇਂ ਵਿਕਾਸ ਦਾ ਸੰਗਤ ਦੇ ਸਹਿਯੋਗ ਨਾਲ ਗੁਰਮਤਿ ਵਾਲਾ ਇਹ ਇਕ ਅਦਭੁੱਤ ਨਮੂਨਾ ਹੈਇਹਦੀ ਸ਼ੋਭਾ ਪੰਜਾਬ, ਭਾਰਤ, ਤੋਂ ਹੁੰਦੀ ਹੋਈ ਅੱਜ ਅੰਤਰਰਾਸ਼ਟਰੀ ਪੱਧਰ ਤੇ ਹੋ ਰਹੀ ਹੈਸਾਨੂੰ ਪੰਜਾਬੀਆਂ ਨੂੰ ਮਾਣ ਹੈ ਕਿ ਅਸੀਂ ਆਪਣੇ ਗੁਰੂ ਸਾਹਿਬ ਦੀ ਬਖ਼ਸ਼ਿਸ਼ ਦੇ ਨਾਲ ਅੱਜ ਹੀਣ ਭਾਵਨਾ ਤੋਂ ਮੁਕਤ ਹੋ ਕੇ ਕੁੱਲ ਸੰਸਾਰ ਨੂੰ ਸੇਧ ਦੇਣ ਤੱਕ ਦਾ ਪੈਂਡਾ ਮਾਰਿਆ ਹੈਬਾਬਾ ਜੀ ਨੇ ਉਹਨਾਂ ਦੇ ਰਾਹ ਵਿਚ ਪਾਏ ਗਏ ਅੜਿੱਕੇ ਤੇ ਆਈਆਂ ਦੁਸ਼ਵਾਰੀਆਂ ਦਾ ਜ਼ਿਕਰ ਵੀ ਬੇਬਾਕੀ ਨਾਲ ਕੀਤਾ ਤੇ ਦੱਸਿਆ ਕਿ ਜੇ ਆਪਾਂ ਸਾਰੇ ਇਵੇਂ ਹੀ ਰਲ ਮਿਲ ਕੇ, ਆਪਸੀ ਰੰਜ਼ਿਸ਼ਾਂ ਮਿਟਾ ਕੇ ਚਲਦੇ ਰਹੇ ਤਾਂ ਕੁਝ ਸਾਲਾਂ ਵਿਚ ਹੀ ਪੰਜਾਬ ਦੀ ਧਰਤੀ ਉੱਤੇ ਮੋੜ ਅਵੱਸ਼ ਆਵੇਗਾਉਹਨਾਂ ਦੇਸ਼ਾਂ ਵਿਦੇਸ਼ਾਂ ਵਿਚ ਵਸਦੇ ਭੈਣਾਂ ਭਰਾਵਾਂ ਦਾ ਧੰਨਵਾਦ ਕੀਤਾ ਜਿਹਨਾਂ ਨੇ ਉਹਨਾਂ ਦੀ ਏਸ ਮੁਹਿੰਮ ਵਿਚ ਹਰੇਕ ਪ੍ਰਕਾਰ ਦਾ ਸਾਥ ਦਿਤਾ

-----

ਪੰਜਾਬੀ ਸੱਥ ਲਾਂਬੜਾ ਤੋਂ ਆਏ ਡਾਕਟਰ ਨਿਰਮਲ ਸਿੰਘ ਹੋਰਾਂ ਨੇ ਦੇਸ ਪ੍ਰਦੇਸ ਦੀਆਂ ਸੱਥਾਂ ਦੀਆਂ ਸਰਗ਼ਰਮੀਆਂ, ਬਾਬਾ ਸੀਚੇਵਾਲ ਤੇ ਬਾਬਾ ਸੇਵਾ ਸਿੰਘ ਖਡੂਰ ਸਾਹਿਬ ਵਾਲਿਆਂ ਵਲੋਂ ਕੀਤੀਆਂ ਜਾ ਰਹੀਆਂ ਸੇਵਾਵਾਂ ਨੂੰ ਇਤਿਹਾਸਕ ਮੋੜ ਦੱਸਦਿਆਂ ਇਹਨਾਂ ਦੇ ਲੁਕੇ ਹੋਏ ਪੱਖਾਂ ਉੱਤੇ ਚਾਨਣਾ ਪਾਇਆਉਹਨਾਂ ਬਾਬਾ ਜੀ ਨੂੰ ਅਤੇ ਸਾਰੀਆਂ ਸੰਗਤਾਂ ਨੂੰ ਮਿਲ ਬੈਠ ਕੇ ਸੰਜੀਦਗੀ ਨਾਲ ਸੋਚਣ ਦੀ ਇਸ ਪ੍ਰਕਿਰਿਆ ਦੀ ਵਧਾਈ ਦਿਤੀਗੁਰਬਾਣੀ ਦੇ ਫ਼ਲਸਫ਼ੇ ਮੁਤਾਬਿਕ ਕਿਸੇ ਉੱਤੇ ਆਸ ਰੱਖਣ ਦੀ ਥਾਂ ਆਪਣੇ ਕਾਰਜ ਆਪ ਸੰਵਾਰਨ ਵਲ ਪਰਤਣ ਲਈ ਉਹਨਾਂ ਨੇ ਉਚੇਚੀ ਬੇਨਤੀ ਕੀਤੀਕੁਲਵੰਤ ਸਿੰਘ ਢੇਸੀ, ਅਜਾਇਬ ਸਿੰਘ ਗਰਚਾ, ਨਿਰਮਲ ਸਿੰਘ ਕੰਧਾਲਵੀ ਹੋਰਾਂ ਨੇ ਕਈ ਮੁੱਲਵਾਨ ਸੁਝਾਉ ਦਿਤੇ

-----

ਸਰਾਏ ਪਰਿਵਾਰ ਵਲੋਂ ਬੜੀ ਸ਼ਰਧਾਪੂਰਵਕ ਸਾਰੀ ਸੰਗਤ ਨੂੰ ਜਲ-ਪਾਣੀ ਛਕਾਇਆ ਗਿਆਅਸਲ ਵਿਚ ਇਹ ਸਾਰਾ ਸਮਾਗਮ ਇਕ ਹਿਸਾਬ ਨਾਲ ਏਸ ਨਵੇਂ ਘਰ ਵਿਚ ਗ੍ਰਹਿ-ਪ੍ਰਵੇਸ਼ ਵਾਂਗ ਹੀ ਹੋ ਨਿਬੜਿਆਸੰਤਾਂ ਨਾਲ ਨਿੱਘੀਆਂ ਤੇ ਮੋਹ ਭਰੀਆਂ ਗੱਲਾਂ ਕਾਰਨ ਮਾਹੌਲ ਸਹਿਜ ਵੀ ਸੀ ਤੇ ਸੁਹਾਵਣਾ ਵੀਸਭ ਨੇ ਰਲ ਮਿਲ ਕੇ ਤਕਰੀਬਨ ਦੋ ਘੰਟੇ ਚੱਲੇ ਇਸ ਮਿਲਾਪ ਰੂਪੀ ਗੰਭੀਰ ਸਮਾਗਮ ਦਾ ਆਨੰਦ ਮਾਣਿਆਬਾਬਾ ਜੀ ਨੂੰ ਲਿਆਉਣ ਦੀ ਸੇਵਾ ਸ. ਬਲਦੇਵ ਸਿੰਘ ਦਿਉਲ ਅਤੇ ਸ. ਅਰਜਨ ਸਿੰਘ ਹੋਰਾਂ ਨੇ ਨਿਭਾਈ


ਪੰਜਾਬੀ ਲੇਖਕ ਮੰਚ ਦੀ ਸਾਲਾਨਾ ਮੀਟਿੰਗ ਵਿਚ ਚੋਣ - ਰਿਪੋਰਟ

ਸਰੀ, ਕੈਨੇਡਾ:- (ਪੱਤਰ ਪ੍ਰੇਰਕ) ਪੰਜਾਬੀ ਲੇਖਕ ਮੰਚ ਵੈਨਕੂਵਰ ਦੀ ਵਾਰਸ਼ਿਕ ਇਕੱਤਰਤਾ 12 ਸਤੰਬਰ ਨੂੰ ਨਿਊਟਨ ਪਬਲਿਕ ਲਾਇਬ੍ਰੇਰੀ ਵਿਚ ਹੋਈਸਭ ਤੋਂ ਪੰਜਾਬੀ ਦੇ ਨਾਮਵਰ ਕਹਾਣੀਕਾਰ ਮੰਚ ਮੈਂਬਰ ਅਮਰਜੀਤ ਚਾਹਲ ਦੀ ਧਰਮਪਤਨੀ ਅਤੇ ਪੰਜਾਬੀ ਦੇ ਉੱਘੇ ਲੇਖਕ, ਪ੍ਰਕਾਸ਼ਕ ਤੇ ਤ੍ਰੈਮਾਸਕ ਮੀਰਦੇ ਸੰਪਾਦਕ ਪਰਦੁਮਨ ਸਿੰਘ ਬੇਦੀ ਦੇ ਅਕਾਲ ਚਲਾਣੇ ਤੇ ਦੁੱਖ ਦਾ ਪਰਗਟਾ ਕੀਤਾ ਗਿਆ ਤੇ ਦੋ ਮਿੰਟ ਦੀ ਚੁੱਪ ਧਾਰ ਕੇ ਉਹਨਾਂ ਨੂੰ ਸ਼ਰਧਾਂਜਲੀ ਭੇਟ ਕੀਤੀ ਗਈ

-----

ਸੂਚਨਾ ਹਿਤ ਮੰਚ ਮੈਂਬਰਾਂ ਨੂੰ ਜਾਣੂੰ ਕਰਵਾਇਆ ਗਿਆ ਕਿ 26 ਸਤੰਬਰ ਨੂੰ ਵਰਾਸਤ ਫਾਊਂਡੇਸ਼ਨ ਵੱਲੋਂ ਪ੍ਰੋ. ਪ੍ਰੀਤਮ ਸਿੰਘ ਦੀਆਂ ਦੋ ਪੁਸਤਕਾਂ ਬੰਬੇ ਬੈਂਕੁਇਟ ਹਾਲ ਵਿਚ, ਉਹਨਾਂ ਦੀ ਬੇਟੀ ਡਾ. ਹਰਸ਼ਿੰਦਰ ਕੌਰ ਰਾਹੀਂ, ਦੁਪਹਿਰ 12 ਵਜੇ ਰੀਲੀਜ਼ ਕੀਤੀਆਂ ਜਾ ਰਹੀਆਂ ਹਨਦੂਜੀ ਸੂਚਨਾ ਇਹ ਦਿੱਤੀ ਗਈ ਕਿ ਗ਼ਜ਼ਲਗੋ ਪਾਲ ਢਿੱਲੋਂ ਦੀ ਗਜ਼ਲਾਂ ਦੀ ਕਿਤਾਬ ਖੰਨਿਓਂ ਤਿੱਖਾ ਸਫ਼ਰਦੇਸ਼ ਭਗਤ ਸੈਂਟਰ ਸਰੀ ਵਿਖੇ 18 ਸਤੰਬਰ ਨੂੰ ਇਕ ਵਜੇ ਰਿਲੀਜ਼ ਕੀਤੀ ਜਾਵੇਗੀਤੀਜੀ ਸੂਚਨਾ ਵਿਚ ਦੱਸਿਆ ਗਿਆ ਕਿ ਜਾਰਜ ਮੈਕੀ ਲਾਇਬ੍ਰੇਰੀ ਡੈਲਟਾ ਵਿਚ 28 ਸਤੰਬਰ ਨੂੰ ਸ਼ਾਮ ਸਾਢੇ ਛੇ ਵਜੇ ਜਰਨੈਲ ਸਿੰਘ ਦਾ ਕਹਾਣੀ ਪਾਠ ਹੋਵੇਗਾ ਅਤੇ ਜਤਿੰਦਰ ਤੇ ਹਰਭਜਨ ਮਾਂਗਟ ਕਵਿਤਾ ਪਾਠ ਕਰਨਗੇ

------

ਦੂਜੇ ਦੌਰ ਵਿਚ ਮੰਚ ਮੈਂਬਰਾਂ ਨੇ ਆਪਣੀਆਂ ਰਚਨਾਵਾਂ ਸੁਣਾਈਆਂਇੰਦਰਜੀਤ ਧਾਮੀ, ਸੁਰਿੰਦਰ ਸਹੋਤਾ, ਨਿਰਮਲ ਗਿੱਲ, ਸੁਸ਼ੀਲ ਕੌਰ, ਹਰਿਭਜਨ ਜੰਡਿਆਲਵੀ ਅਤੇ ਜੁਗਿੰਦਰ ਸ਼ਮਸ਼ੇਰ ਨੇ ਕਵਿਤਾਵਾਂ ਸੁਣਾਈਆਂਕ੍ਰਿਸ਼ ਭਨੋਟ, ਗੁਰਦਰਸ਼ਨ ਬਾਦਲ, ਜੀਵਨ ਰਾਮ ਪੁਰੀ, ਸਤਿਨਾਮ ਸਿੰਘ ਕੋਮਲ ਅਤੇ ਨਦੀਮ ਪਰਮਾਰ ਨੇ ਗ਼ਜ਼ਲਾਂ ਸੁਣਾਈਆਂਜਰਨੈ਼ਲ ਸਿੰਘ ਸੇਖਾ ਨੇ ਆਪਣੇ ਬਚਪਨ ਦੀ ਯਾਦ ਨਾਲ ਸਬੰਧਤ ਇਕ ਲੇਖ ਜਰਨਲ ਮੋਹਣ ਸਿੰਘ ਤੇ ਕਾੜ੍ਹਨੀ ਦਾ ਦੁੱਧਪੜ੍ਹਿਆ ਫਿਰੇ ਬਰਜਿੰਦਰ ਢਿੱਲੋਂ ਨੇ ਇਕ ਕਹਾਣੀ ਦੇਬੋ ਤੇ ਊਸ਼ਾਸੁਣਾਈਥੋੜ੍ਹੀਆਂ ਰਚਨਾਵਾਂ ਉਪਰ ਹੀ ਕੋਈ ਟਿੱਪਣੀ ਹੋਈ, ਬਹੁਤੀਆਂ ਰਚਨਵਾਂ ਸਲਾਹੀਆਂ ਗਈਆਂ

-----

ਅਖੀਰਲੇ ਪੜਾਅ ਵਿਚ ਸਾਲ 2010-11 ਲਈ 13 ਮੈਂਬਰੀ ਕਾਰਜਕਾਰਨੀ ਦੀ ਚੋਣ ਸਰਵ ਸੰਮਤੀ ਨਾਲ ਚੋਣ ਕੀਤੀ ਗਈ, ਜਿਸ ਵਿਚ ਸਾਧੂ ਬਿਨਿੰਗ, ਜਰਨੈਲ ਸਿੰਘ ਆਰਟਿਸਟ, ਜਰਨੈਲ ਸਿੰਘ ਸੇਖਾ, ਜੁਗਿੰਦਰ ਸ਼ਮਸ਼ੇਰ, ਅਮਰਜੀਤ ਕੌਰ ਸ਼ਾਂਤ ਮਾਂਗਟ, ਹਰਜੀਤ ਦੌਧਰੀਆ, ਸੁਖਵੰਤ ਹੁੰਦਲ, ਹਰਬੰਸ ਢਿੱਲੋਂ, ਗੁਰਦਰਸ਼ਨ ਬਾਦਲ, ਜਸਵਿੰਦਰ ਕੌਰ ਗਿੱਲ, ਨਦੀਮ ਪਰਮਾਰ ਅਤੇ ਦਰਸ਼ਨ ਮਾਨ ਚੁਣੇ ਗਏਫਿਰ ਕਾਰਜ ਕਾਰਨੀ ਨੇ ਆਪਣੇ ਵਿਚੋਂ ਜਰਨੈਲ ਸਿੰਘ ਆਰਟਿਸਟ ਅਤੇ ਜਰਨੈਲ ਸਿੰਘ ਸੇਖਾ ਨੂੰ ਸੰਚਾਲਕ, ਨਦੀਮ ਪਰਮਾਰ ਨੂੰ ਖ਼ਜ਼ਾਨਚੀ ਅਤੇ ਦਰਸ਼ਨ ਮਾਨ ਨੂੰ ਸਹਾਇਕ ਖ਼ਜ਼ਾਨਚੀ ਚੁਣ ਲਿਆ ਲੇਖਕ ਮੰਚ ਦੀ ਅਗਲੀ ਮੀਟਿੰਗ ਨਿਊਟਨ ਪਬਲਿਕ ਲਾਇਬ੍ਰੇਰੀ ਸਰੀ ਵਿਚ 3 ਅਕਤੂਬਰ ਨੂੰ ਦੁਪਹਿਰ 1.30 ਵਜੇ ਹੋਵੇਗੀ

ਸੰਚਾਲਕ

ਜਰਨੈਲ ਸਿੰਘ ਸੇਖਾ 604 543 8721

ਜਰਨੈਲ ਸਿੰਘ ਆਰਟਿਸਟ 604 825 4659


ਪੰਜਾਬੀ ਅਤੇ ਉਰਦੂ ਸ਼ਾਇਰੀ ਦੇ ਰੰਗ - ਵਿਦਵਾਨ ਦੋਸਤਾਂ ਦੇ ਸੰਗ - ਰਿਪੋਰਟ

ਡੈਲਟਾ, ਬੀ.ਸੀ. (ਬਿੱਕਰ ਸਿੰਘ ਖੋਸਾ)-ਅਗਸਤ 31, ਦਿਨ ਮੰਗਲਵਾਰ ਨੂੰ ਇੱਥੋਂ ਦੀ ਜਾਰਜ ਮੈਕੀ ਲਇਬ੍ਰੇਰੀ ਵਿੱਚ ਸਰਬਜੀਤ ਕੌਰ ਰੰਧਾਵਾ ਅਤੇ ਸਰਵਨ ਸਿੰਘ ਰੰਧਾਵਾ ਜੋ ਪੰਜਾਬੀ ਦੇ ਅਕਸ ਨੂੰ ਉਚਾਈਆਂ ਤੇ ਵੇਖਣ ਲਈ ਯਤਨਸ਼ੀਲ ਹਨ, ਦੇ ਉੱਦਮਾਂ ਸਦਕਾ ਪੰਜਾਬੀ ਜਗਤ ਦੀਆਂ ਤਿੰਨ ਪ੍ਰਸਿੱਧ ਹਸਤੀਆਂ ਦਰਸ਼ਨ ਗਿੱਲ, ਪਿੰਸੀਪਲ ਸੁਰਿੰਦਰਪਾਲ ਕੌਰ ਬਰਾੜ ਅਤੇ ਨਦੀਮ ਪਰਮਾਰ ਹੋਰਾਂ ਦਿਆਂ ਗੀਤਾਂ, ਗ਼ਜ਼ਲਾਂ ਅਤੇ ਕਵਿਤਾਵਾਂ ਦੀ ਮਹਿਫ਼ਿਲ ਸਜਾਈ ਗਈ ਇਸ ਵਿੱਚ ਪੰਜਾਬੀ ਦੇ ਉਸਤਾਦ ਗ਼ਜ਼ਲਕਾਰ, ਕਵੀ, ਲੇਖਕ ਅਤੇ ਸੂਝਵਾਨ ਪਾਠਕਾਂ ਨੇ ਹਾਜ਼ਰੀ ਲਵਾਈਭਾਰਤ ਤੋਂ ਪਹੁੰਚੇ ਪ੍ਰੋ:ਕਰਮਜੀਤ ਸਿੰਘ ਗਿੱਲ ਅਤੇ ਹਿੰਦੀ ਦੇ ਵਿਦਵਾਨ ਆਚਾਰੀਆ ਦਿਵੇਦੀ ਜੀ ਵਿਸ਼ੇਸ਼ ਤੌਰ ਤੇ ਸ਼ਾਮਿਲ ਹੋਏ

-----

ਸੰਖੇਪ ਜਾਣ-ਪਛਾਣ ਤੋਂ ਬਾਦ ਦਰਸ਼ਨ ਗਿੱਲ ਨੇ ਆਪਣੀਆਂ ਗ਼ਜ਼ਲਾਂ ਨਾਲ ਪ੍ਰੋਗਰਾਮ ਨੂੰ ਰੰਗੀਨੀ ਦਿੱਤੀ ਸਿਰਫ਼ ਮੈਂ ਹੀ ਨਹੀਂ ਬਲ਼ਿਆ ਚਿਰਾਗ਼ਾਂ ਦੀ ਤਰ੍ਹਾਂ ਯਾਰੋ, ਜੋ ਮੇਰੇ ਸਾਹਮਣੇ ਸਨ ਵਾਂਗ ਮੇਰੇ ਦਹਿਕੀਆਂ ਸੜਕਾਂਗ਼ਜ਼ਲ ਦਾ ਇੱਕ ਇੱਕ ਸ਼ੇਅਰ ਦਾਦ ਦੇ ਕਾਬਿਲ ਸੀਮੱਛੀ ਦੀ ਅੱਖ ਵਿੱਚ ਲੱਗੇ ਨਾ ਤੀਰ ਕੋਈ, ਅੱਜ ਕੱਲ੍ਹ ਵੇਲਾ ਨਹੀਂ ਸਵੰਬਰ ਦਾੳਨ੍ਹਾਂ ਨੇ ਆਪਣੀ ਕਿਤਾਬ ਉਕਾਬ ਦੀ ਉਡਾਨਵਿੱਚੋਂ ਆਦਿਵਾਸੀ ਕਵੀ ਚੀਫ਼ ਡਾਨ ਜਾਰਜ ਦੀ ਪੰਜਾਬੀ ਅਨੁਵਾਦਿਤ ਕਵਿਤਾ ੳਤੇ ਹੋਰ ਕਵਿਤਾਵਾਂ ਪੜ੍ਹ ਕੇ ਆਪਣੀ ਕਾਵਿ ਕਲਾ ਦੀ ਪੁਖ਼ਤਗੀ ਦਾ ਨਮੂਨਾ ਪੇਸ਼ ਕੀਤਾ

-----

ਪਿੰਸੀਪਲ ਸੁਰਿੰਦਰਪਾਲ ਕੌਰ ਬਰਾੜ ਦੀ ਵਾਰੀ ਆਈ ਜਿਸ ਦੌਰਾਨ ਉਨ੍ਹਾਂ ਨੇ ਨਿਮਰਤਾ ਨਾਲ ਡਾ: ਦਰਸ਼ਨ ਗਿੱਲ ਨੂੰ ਆਪਣਾ ਉਸਤਾਦ ਕਹਿੰਦਿਆਂ ਸਾਰੇ ਆਉਂਣ ਵਾਲਿਆਂ ਦਾ ਧੰਨਵਾਦ ਕੀਤਾਉਨ੍ਹਾਂ ਨੇ ਆਪਣੀਆਂ ਮਿਆਰੀ ਰਚਨਾਵਾਂ: ਨਾ ਮੇਰਾ ਸੂਰਜ ਠਰਿਆ ਸੀ , ਨਾ ਮੇਰਾ ਗੀਤ ਹੀ ਮਰਿਆ ਸੀ”, “ਟੁੱਟਦੇ ਭੱਜਦੇ ਰਿਸ਼ਤਿਆਂ ਦੇ ਸੰਸਾਰ ਬੜੇ ਨੇਅਤੇ ਕਵਿਤਾ ਸੁਪਨਾ ਤੇ ਕੁੜੀ, ਭਾਣਾ, ਹਿੰਦੀ ਦੀ ਕਵਿਤਾ ਮੋਮਬੱਤੀਆਂ ਅਤੇ ਲੈਅ ਭਰਪੂਰ ਕਵਿਤਾ- ਸਿਖਰ ਦੁਪਿਹਰੇ ਦਮ ਘੁੱਟਦਾ ਹੈ , ਹੁਣ ਛਾਵਾਂ ਵਿੱਚ ਜਾਣ ਦਿਉ ਸੁਣਾਈ ਅੰਤ ਵਿੱਚ ਉਨ੍ਹਾਂ ਨੇ ਵਧੇਰੇ ਪ੍ਰਵਾਨ ਹੋਈ ਕਵਿਤਾ ਮੌਸਮਪੜ੍ਹੀ

----

ਨਦੀਮ ਪਰਮਾਰ ਹੋਰਾਂ ਨੇ ਆਪਣੀ ਜਾਣ-ਪਛਾਣ ਕਰਵਾਉਂਦਿਆਂ ਆਪਣੀ ਕਵਿ ਕਲਾ ਦਾ ਮੁੱਢ ਉਰਦੂ ਗ਼ਜ਼ਲਾਂ ਨਾਲ ਸ਼ੁਰੂਆਤ ਕੀਤੀਹਰ ਇਨਾਇਤ ਕਰਮ ਨਹੀਂ ਹੋਤੀ ਹਰ ਮੁਹੱਬਤ ਭਰਮ ਨਹੀਂ ਹੋਤੀਤੋਂ ਇਲਾਵਾ ਪ੍ਰਵਾਸ ਦਾ ਦੁੱਖ ਹੰਡਾਵਣ ਦੀ ਕਵਿਤਾ-ਸ਼ਾਇਦ ਤੁਮਨੇ ਸੋਚਾ ਹੋਗਾਵੀ ਸੁਣਾਈਦੋ ਹਾਸ ਵਿਅੰਗ ਭਰਪੂਰ ਰਚਨਾਵਾਂ ਅਤੇ ਦੋ ਪੰਜਾਬੀ ਗ਼ਗ਼ਲਾਂ ਪੇਸ਼ ਕੀਤੀਆਂ ਜਿਨ੍ਹਾਂ ਵਿੱਚ ਤੇ ਆਉਂਦਾ ਅਸਤ ਆਪਣੇ ਇੱਕ ਨਦੀ ਵਿੱਚ ਤਾਰ ਆਇਆਂ ਹਾਂਪੜ੍ਹੀ

-----

ਸਮਾਪਤੀ ਤੇ ਸਰਬਜੀਤ ਕੌਰ ਰੰਧਾਵਾ ਨੇ ਆਪਣੀਆਂ ਕਵਿਤਾਵਾਂ ਵਿੱਚੋਂ ਇੱਕ ਕਵਿਤਾ ਮਨ ਦੀ ਸੋਚ ਦੇ ਸੁੱਚੇ ਮੋਤੀ ਬਿਖਰੇ-2 ਬਿਖਰੇ ਰਹਿੰਦੇ, ਜਦ ਦੇ ਅਸੀਂ ਪਰਾਏ ਦੇਸ਼ ਨੂੰ ਆਪਣਾ-ਆਪਣਾ ਕਹਿੰਦੇਤਰੰਨੁਮ ਵਿੱਚ ਸੁਣਾ ਕੇ ਆਪਣੀ ਕਾਵਿ ਕਲਾ ਦਾ ਨਮੂਨਾ ਪੇਸ਼ ਕੀਤਾਇਹ ਪ੍ਰੋਗਰਾਮ ਸਾਡੇ ਛੇ ਵਜੇ ਸ਼ੁਰੂ ਹੋਇਆ ਅਤੇ ਠੀਕ ਅੱਠ ਵਜੇ ਸਮਾਪਤ ਹੇਇਆਸਰਬਜੀਤ ਨੇ ਅਗਲਾ ਕਵੀਆਂ ਦੀ ਸ਼ਾਮ ਪ੍ਰੋਗਰਾਮ 28 ਸਤੰਬਰ ਨੂੰ ਸਾਡੇ ਛੇ ਵਜੇ ਇਸੇ ਲਾਇਬ੍ਰੇਰੀ ਵਿੱਚ ਹੋਣ ਬਾਰੇ ਵੀ ਜਾਣਕਾਰੀ ਦਿੱਤੀ











Friday, September 10, 2010

ਪੰਜਾਬੀ ਸੱਥ ਦੀ ਯੂਰਪੀਨ ਇਕਾਈ ਵੱਲੋਂ ਵਿਲਨਹਾਲ (ਇੰਗਲੈਂਡ) ਵਿਖੇ ਸ਼ਾਨਦਾਰ ਸਨਮਾਨ ਸਮਾਗਮ - ਰਿਪੋਰਟ


ਰਿਪੋਰਟ: ਪੰਜਾਬੀ ਸੱਥ, ਵਾਲਸਾਲ : ਯੂਰਪੀ ਪੰਜਾਬੀ ਸੱਥ ਵਾਲਸਾਲ ਦਾ ਦਸਵਾਂ ਸਨਮਾਨ ਸਮਾਗਮ ਕਈ ਵਿਲੱਖਣ ਪੈੜਾਂ ਪਾਉਂਦਾ, ਪੰਜਾਬੀ ਸਾਹਿਤ, ਸਭਿਆਚਾਰ ਅਤੇ ਵਾਤਾਵਰਣ ਨੂੰ ਕਿੰਨੇ ਹੀ ਇਤਿਹਾਸਕ ਮੋੜ ਦਿੰਦਾ ਸਫ਼ਲਤਾ ਪੂਰਬਕ ਨੇਪਰੇ ਚੜ੍ਹਿਆਕੁੱਲ ਆਲਮ ਵਿਚ ਹਰ ਕਿਸਮ ਦੇ ਫ਼ੈਲੇ ਪ੍ਰਦੂਸ਼ਣ ਵਿਰੁੱਧ ਆਮ ਲੋਕਾਂ ਦੇ ਸਹਿਯੋਗ ਨਾਲ ਗੁਰਮਤਿ ਅਨੁਸਾਰ ਕਾਲੀ ਵੇਈਂ ਨੂੰ ਪਵਿੱਤਰਤਾ ਦਾ ਖੋਇਆ ਹੋਇਆ ਰੁਤਬਾ ਬਹਾਲ ਕਰਨ ਦੇ ਮੋਢੀ ਸੰਤ ਬਾਬਾ ਬਲਬੀਰ ਸਿੰਘ ਜੀ ਸੀਚੇਵਾਲ ਨੇ ਸਮਾਗਮ ਦੀ ਪ੍ਰਧਾਨਗੀ ਤਵਾਰੀਖ਼ੀ ਮੋੜ ਦਾ ਮੁੱਢ ਬੰਨ੍ਹਿਆ

-----

ਸ਼ਾਈਨ ਸਟਾਰ ਬੈਂਕਿਉਟਿੰਗ ਸੁਈਟ ਵਿਲਨਹਾਲ ਵਿਖੇ ਯੂ.ਕੇ. ਦੇ ਵੈਸਟ ਮਿਡਲੈਂਡਜ਼, ਯਾਰਕਸ਼ਾਇਰ ਅਤੇ ਲੰਡਨ ਦੇ ਦੂਰ-ਦੁਰਾਡੇ ਇਲਾਕਿਆਂ ਚੋਂ ਘੁੱਗ ਵਸਦੇ ਪੰਜਾਬੀ ਭਾਈਚਾਰੇ ਦੇ ਸਿਰਮੌਰ ਸਾਹਿਤਕ ਵਿਦਵਾਨਾਂ, ਖੋਜੀਆਂ, ਅਧਿਆਪਕਾਂ, ਡਾਕਟਰਾਂ, ਮੀਡੀਆ ਕਰਮੀਆਂ ਤੇ ਪੰਜਾਬੀ ਭਾਸ਼ਾ ਨਾਲ ਮੋਹ ਰੱਖਣ ਵਾਲੇ ਢਾਈ ਸੌ ਤੋਂ ਵੀ ਵੱਧ ਭੈਣਾਂ,ਵੀਰਾਂ, ਬਜ਼ੁਰਗਾਂ ਤੇ ਬੱਚਿਆਂ ਨੇ ਚਾਰ ਘੰਟੇ ਤੋਂ ਵੀ ਵੱਧ ਚੱਲੇ ਏਸ ਰੌਚਕ ਸਮਾਗਮ ਦਾ ਆਨੰਦ ਮਾਣਿਆਦੁਨੀਆਂ ਭਰ ਵਿਚ ਫ਼ੈਲੇ ਤਾਣੇ ਬਾਣੇ ਕਾਰਨ ਪੰਜਾਬੀ ਸੱਥ ਦੇ ਸਮਾਗਮ ਮਾਂ ਬੋਲੀ ਦੀ ਚੜ੍ਹਤ ਲਈ ਅਹਿਮ ਕਾਰਜ ਤਾਂ ਪਹਿਲਾਂ ਹੀ ਨਿਭਾਅ ਰਹੇ ਹਨ ਪਰ ਪਿਛਲੇ ਇਕ ਮਹੀਨੇ ਵਿਚ ਹੀ ਪੰਜਾਬੀ ਸੱਥ ਨੇ ਤਿੰਨ ਅਜਿਹੇ ਦੇਸ਼ਾਂ ਵਿਚ ਚਾਰ ਸਫ਼ਲ ਸਮਾਗਮ ਕਰਨ ਦਾ ਜਿਹੜਾ ਮਾਣ ਪ੍ਰਾਪਤ ਕੀਤਾ ਹੈ ਉਹ ਸਾਡੇ ਸਦੀਆਂ ਪੁਰਾਣੇ ਸਭਿਆਚਾਰ ਦੀ ਅਹਿਮ ਤੇ ਇਤਿਹਾਸਕ ਪ੍ਰਾਪਤੀ ਹੈਯੂੁਰਪੀ ਪੰਜਾਬੀ ਸੱਥ ਵਲੋਂ ਯੂਰਪ ਦੇ ਮਹਾਨ ਦੇਸ਼ ਜਰਮਨੀ ਵਿਚ ਪੰਜਾਬੀ ਸੱਥ ਦੀ ਇਕਾਈ ਅਜੇ ਇਕ ਸਾਲ ਪਹਿਲਾਂ ਹੀ ਸਥਾਪਤ ਕੀਤੀ ਗਈ ਸੀ14 ਅਗਸਤ 2010 ਨੂੰ ਜਰਮਨ ਪੰਜਾਬੀ ਸੱਥ ਦਾ ਦੂਜਾ ਸਮਾਗਮ ਕੀਤਾ ਗਿਆ ਅਤੇ ਏਨੇ ਥੋੜ੍ਹੇ ਸਮੇਂ ਵਿਚ ਹੀ ਏਥੇ ਵਸਦੇ ਕਵੀਆਂ ਦਾ ਕਾਵਿ-ਸੰਗ੍ਰਹਿ ਘਿਉ ਚੂਰੀ ਦੀਆਂ ਬਾਤਾਂਛਾਪ ਕੇ ਬੀਬੀ ਅੰਜੂ ਜੀਤ ਸ਼ਰਮਾ ਨੇ ਮਾਅਰਕਾ ਮਾਰਿਆ ਹੈਇਹ ਸਮਾਗਮ ਮੀਡੀਆ ਪੰਜਾਬਦੇ ਸਹਿਯੋਗ ਨਾਲ ਕੀਤੇ ਕਵੀ ਦਰਬਾਰ ਤੇ ਯੂ.ਕੇ. ਤੋਂ ਮੋਤਾ ਸਿੰਘ ਸਰਾਏ, ਨਿਰਮਲ ਸਿੰਘ ਕੰਧਾਲਵੀ ਅਤੇ ਹਰਜਿੰਦਰ ਸਿੰਘ ਸੰਧੂ ਦੀ ਸ਼ਮੂਲੀਅਤ ਨਾਲ ਮਾਂ-ਬੋਲੀ ਦਾ ਪਰਚਮ ਕਾਮਯਾਬੀ ਨਾਲ ਲਹਿਰਾਇਆ ਗਿਆ

-----

ਏਸੇ ਹੀ ਦੁਨੀਆਂ ਦੀ ਦੂਜੀ ਨੁੱਕਰੇ ਪੱਛਮੀ ਕੈਨੇਡਾ ਦੇ ਸ਼ਹਿਰ ਐਬਟਸਫੋਰਡ ਬੀ.ਸੀ. ਵਿਖੇ ਪੰਜਾਬੀ ਭੈਣਾਂ ਭਰਾਵਾਂ ਨੇ ਸ. ਹਰਭਜਨ ਸਿੰਘ ਅਠਵਾਲ ਦੀ ਦੇਖ ਰੇਖ ਹੇਠ ਕਾਰਜਸ਼ੀਲ ਪੰਜਾਬੀ ਸੱਥ, ਸਰੀ ਵੈਨਕੂਵਰਨੇ ਹਰਵਿੰਦਰ ਸਿੰਘ ਚਾਹਲ ਤੇ ਗੁਰਮਤਿ ਸੈਂਟਰ ਐਬਟਸਫੋਰਡ ਨੂੰ ਡਾਕਟਰ ਰਘਬੀਰ ਸਿੰਘ ਬੈਂਸ ਅਤੇ ਪ੍ਰੋਫ਼ੈਸਰ ਗੁਰਵਿੰਦਰ ਸਿੰਘ ਧਾਲੀਵਾਲ ਹੋਰਾਂ ਕੋਲੋਂ ਸਨਮਾਨਿਤ ਕਰਵਾ ਕੇ ਸਫ਼ਲਤਾ ਦੇ ਝੰਡੇ ਗੱਡੇਕੈਨੇਡਾ ਦੇ ਸਭ ਤੋਂ ਵੱਡੇ ਅਤੇ ਦੁਨੀਆਂ ਦੇ ਪ੍ਰਸਿੱਧ ਨਗਰ ਟੋਰਾਂਟੋ ਵਿਖੇ ਸ. ਪਰਮਜੀਤ ਸਿੰਘ ਸੰਧੂ ਹੋਰਾਂ ਦੀ ਅਗਵਾਈ ਹੇਠ ਸਰਗਰਮ ਪੰਜਾਬੀ ਸੱਥ ਨੇ ਸਰਦਾਰ ਬਲਬੀਰ ਸਿੰਘ ਸਿਕੰਦ, ਬੀਬੀ ਬਲਬੀਰ ਕੌਰ ਸੰਘੇੜਾ ਅਤੇ ਆਜ਼ਾਦ ਹਿੰਦ ਫੌਜ ਦੇ 90 ਸਾਲਾ ਬਜ਼ੁਰਗ਼ ਸ. ਜਰਨੈਲ ਸਿੰਘ ਤੱਖਰ ਨੂੰ ਡਾਕਟਰ ਗੁਰਨਾਮ ਕੌਰ ਬੱਲ ਤੋਂ ਸਨਮਾਨਿਤ ਕਰਵਾਉਣ ਦਾ ਮਾਣ ਪ੍ਰਾਪਤ ਕੀਤਾਇਹ ਤੀਜਾ ਸਮਾਗਮ 29 ਅਗਸਤ 2010 ਨੂੰ ਹੋਇਆਕੈਨੇਡਾ ਵਾਲੇ ਦੋਹਾਂ ਸਮਾਗਮਾਂ ਵਿਚ ਸੱਥ ਦੇ ਸੰਕਲਪਾਂ ਅਤੇ ਮੁੱਖ ਸੱਥ ਤੋਂ ਇਲਾਵਾ ਵੀਹ ਸਰਗਰਮ ਇਕਾਈਆਂ, ਛਾਪੀਆਂ ਜਾ ਰਹੀਆਂ ਪੁਸਤਕਾਂ, ਕੈਲੰਡਰਾਂ ਅਤੇ ਵਿਰਾਸਤੀ ਅਜਾਇਬ-ਘਰ ਬਾਬਤ ਡਾਕਟਰ ਨਿਰਮਲ ਸਿੰਘ, ਸੇਵਾਦਾਰ ਪੰਜਾਬੀ ਸੱਥ ਲਾਂਬੜਾ, ਜਲੰਧਰ ਨੇ ਭਾਈਚਾਰੇ ਨੂੰ ਵਿਸਥਾਰਿਤ ਜਾਣਕਾਰੀ ਦਿਤੀ

-----

5 ਸਤੰਬਰ 2010 ਵਾਲੇ ਅੱਜ ਦੇ ਸਮਾਗਮ ਨੇ ਮਾਂ-ਬੋਲੀ, ਸਭਿਆਚਾਰ, ਤੇ ਵਿਰਾਸਤ ਲਈ ਮੁੱਲਵਾਨ ਕਾਰਜ ਕਰਨ ਵਾਲਿਆਂ ਦੀ ਏਸ ਲੜੀ ਵਿਚ ਚੌਥੀ ਕੜੀ ਜੋੜਦਿਆਂ ਦੋ ਅਜਿਹੀਆਂ ਮਹਾਨ ਬੀਬੀਆਂ ਨੂੰ ਸਨਮਾਨਿਤ ਕਰਨ ਦਾ ਮਾਣ ਹਾਸਲ ਕੀਤਾ ਜਿਨ੍ਹਾਂ ਨੇ ਉਮਰ ਭਰ ਆਪਣੇ ਸਤਿਕਾਰਯੋਗ ਪਤੀਆਂ ਦੀ ਪੰਜਾਬੀ ਸਾਹਿਤ, ਪੱਤਰਕਾਰੀ ਤੇ ਗੀਤਕਾਰੀ ਦੇ ਖੇਤਰਾਂ ਵਿਚ ਮੱਲਾਂ ਮਾਰਨ ਲਈ ਸਹਿਯੋਗ ਦੇ ਕੇ ਉਨ੍ਹਾਂ ਨੂੰ ਪੰਜਾਬੀ ਜਗਤ ਵਿਚ ਸਿਖ਼ਰਾਂ ਛੂਹਣ ਦੇ ਕਾਬਿਲ ਬਣਾਇਆਏਸ ਮੌਕੇ ਸੰਸਾਰ ਦੇ ਸਿਰਮੌਰ ਸ਼ਹਿਰ ਲੰਡਨ ਵਸਦੀ ਬੀਬੀ ਯਸ਼ਵੀਰ ਸਾਥੀਸੁਪਤਨੀ ਪ੍ਰਸਿੱਧ ਸਾਹਿਤਕਾਰ ਤੇ ਪੱਤਰਕਾਰ ਸ੍ਰੀ ਸਾਥੀ ਲੁਧਿਆਣਵੀ ਅਤੇ ਬੀਬੀ ਹਰਜੀਤ ਕੌਰ ਸੁਪਤਨੀ, ਅੱਧੀ ਸਦੀ ਤੋਂ ਵੀ ਵੱਧ ਸਿਹਤਮੰਦ ਗਾਇਕੀ ਵਿਚ ਪਿਰਤਾਂ ਪਾਉਣ ਵਾਲੇ ਸ. ਤਰਲੋਚਨ ਸਿੰਘ ਚੰਨ ਜੰਡਿਆਲਵੀ, ਨੂੰ ਆਦਰ ਸਾਹਿਤ ਮਾਣ ਸਨਮਾਨ ਭੇਟ ਕੀਤਾ ਗਿਆਇਹਨਾਂ ਦੋਹਾਂ ਬੀਬੀਆਂ ਨੂੰ ਸ਼ੁੱਧ ਸੋਨੇ ਦੇ ਚੌਵੀ ਕੈਰੇਟ ਦੇ ਮੈਡਲ, ਸਨਮਾਨ ਪੱਤਰ ਅਤੇ ਸਾਲੂ ਭੇਟ ਕੀਤੇ ਗਏਦੋਹਾਂ ਦੇ ਪਤੀਆਂ ਨੂੰ ਸਿਰੋਪੇ ਦੇ ਕੇ ਸਨਮਾਨਿਆ ਗਿਆਸਨਮਾਨ ਭੇਟ ਕਰਨ ਦੀ ਰਸਮ ਸੰਤ ਬਲਬੀਰ ਸਿੰਘ ਸੀਚੇਵਾਲ ਹੋਰਾਂ ਨੇ ਅਦਾ ਕੀਤੀ

-----

ਸੰਤਾਂ ਦਾ ਏਸ ਮੌਕੇ ਸਾਥ ਦੇਣ ਲਈ ਬੀਬੀ ਰਸ਼ਵਿੰਦਰ ਕੌਰ, ਬੀਬੀ ਦਲਬੀਰ ਕੌਰ ਸੰਧੂ, ਮੋਤਾ ਸਿੰਘ ਸਰਾਏ, ਹਰਜਿੰਦਰ ਸਿੰਘ ਸੰਧੂ, ਨਿਰਮਲ ਸਿੰਘ ਕੰਧਾਲਵੀ, ਨਕੋਦਰ, ਪੰਜਾਬ ਤੋਂ ਆਏ ਹਰਜਿੰਦਰ ਸਿੰਘ ਸੰਧੂ ਦੇ ਭਰਾਤਾ ਇੰਦਰਜੀਤ ਸਿੰਘ ਸੰਧੂ ਅਤੇ ਸੱਥ ਦੇ ਸੇਵਾਦਾਰ ਡਾ.ਨਿਰਮਲ ਸਿੰਘ ਉਚੇਚੇ ਰੂਪ ਵਿਚ ਹਾਜ਼ਰੀ ਭਰ ਰਹੇ ਸਨ

-----

ਸਮਾਗਮ ਦਾ ਮੁੱਢ ਨਿਰਮਲ ਸਿੰਘ ਕੰਧਾਲਵੀ ਹੋਰੀਂ ਬੰਨ੍ਹਿਆਂ ਤੇ ਸਟੇਜ ਦੀ ਸੇਵਾ ਕੰਧਾਲਵੀ ਹੋਰੀਂ ਅਤੇ ਹਰਜਿੰਦਰ ਸਿੰਘ ਸੰਧੂ ਨੇ ਰਲ ਕੇ ਨਿਭਾਈਦਲਜੀਤ ਸਿੰਘ ਰੰਧਾਵਾ ਦੀ ਦਿਲ ਨੂੰ ਧੂ ਪਾਉਣ ਵਾਲੀ ਕਵਿਤਾ ਤੋਂ ਪਿੱਛੋਂ ਮੋਤਾ ਸਿੰਘ ਸਰਾਏ ਹੋਰਾਂ ਨੇ ਸਾਰਿਆਂ ਨੂੰ ਨਿੱਘੀ ਜੀ ਆਇਆਂ ਆਖਦਿਆਂ ਪਿਛਲੇ ਸਾਲਾਂ ਵਿਚ ਯੂਰਪੀ ਪੰਜਾਬੀ ਸੱਥ ਵਲੋਂ ਕੀਤੇ ਕਾਰਜਾਂ ਦੀ ਸੰਖੇਪ ਜਾਣਕਾਰੀ ਦਿਤੀਯੂਰਪ ਭਰ ਵਿਚੋਂ ਹੁਣ ਤੀਕ ਸਨਮਾਨੀਆਂ ਵੀਹ ਹਸਤੀਆਂ, ਪੱਚਾਸੀ ਤੋਂ ਵੱਧ ਛਾਪੀਆਂ ਕਿਤਾਬਾਂ, ਵਿਰਾਸਤੀ ਕੈਲੰਡਰਾਂ ਅਤੇ ਹਰ ਸਾਲ ਸ਼ੁੱਧ ਸੋਨੇ ਦੇ ਗੋਲਡ ਮੈਡਲਾਂ ਨਾਲ ਕੀਤੇ ਸਨਮਾਨ ਸਮਾਗਮ ਸਫ਼ਲਤਾ ਨਾਲ ਕਰਨ ਲਈ ਉਨ੍ਹਾਂ ਏਥੇ ਵਸਦੇ ਭਾਈਚਾਰੇ ਦਾ ਧੰਨਵਾਦ ਕੀਤਾਉਨ੍ਹਾਂ ਨੇ ਸੌੜੀਆਂ ਸਿਆਸਤਾਂ, ਮਜ਼੍ਹਬੀ ਪਾੜਿਆਂ, ਵੰਡ ਵਿਤਕਰਿਆਂ, ਸਸਤੀਆਂ ਸ਼ੋਹਰਤਾਂ ਤੋਂ ਇਕ ਪਾਸੇ ਰਹਿ ਕੇ ਆਪਣੀ ਜ਼ੁਬਾਨ, ਵਿਰਾਸਤ, ਸਭਿਆਚਾਰ ਤੇ ਵਾਤਾਵਰਣ ਨੂੰ ਬਚਾਉਣ ਵਾਸਤੇ ਭਾਈਚਾਰੇ ਨੂੰ ਇਕ ਜੁੱਟ ਹੋ ਕੇ ਚੱਲਣ ਦੀ ਅਪੀਲ ਕੀਤੀ

-----

ਉਨ੍ਹਾਂ ਤੋਂ ਬਾਅਦ ਡਾ.ਨਿਰਮਲ ਸਿੰਘ ਹੋਰੀਂ ਸੰਸਾਰ ਭਰ ਵਿਚ ਚਲ ਰਹੇ ਵਿਕਾਸ ਦੇ ਅਜੋਕੇ ਨਮੂਨੇ ਨੂੰ ਮੁੱਢੋਂ ਰੱਦ ਕਰਦਿਆਂ ਬਦਲਵੇਂ ਸਹਿਜ ਵਿਕਾਸ ਦੇ ਨਮੂਨੇ ਆਪਣੀ ਵਿਰਾਸਤ, ਫ਼ਲਸਫ਼ੇ, ਸਭਿਆਚਾਰ ਅਨੁਸਾਰ ਉਸਾਰਨ ਲਈ ਅਮਲੀ ਤੌਰ ਤੇ ਇਕ ਜੁੱਟ ਹੋਣ ਲਈ ਸੁਝਾਅ ਦਿਤਾ

-----

ਬਾਬਾ ਬਲਬੀਰ ਸਿੰਘ ਜੀ ਵਲੋਂ ਕਾਲੀ ਵੇਈਂ ਨੂੰ ਕਾਰ ਸੇਵਾ ਰਾਹੀਂ ਪਲੀਤੀ ਮੁਕਤ ਕਰਨ ਦੀ ਮੁਹਿੰਮ ਦਾ ਜ਼ਿਕਰ ਕਰਦਿਆਂ ਏਸ ਕਾਰਜ ਨੂੰ ਦੁਨੀਆਂ ਭਰ ਲਈ ਇਕ ਨਮੂਨਾ ਦੱਸਦਿਆਂ ਏਥੋਂ ਸਿੱਖਿਆ ਲੈਣ ਦੀ ਸਲਾਹ ਦਿਤੀਵੇਈਂ ਦੀ ਕਾਰ ਸੇਵਾ ਨੇ ਜਿੱਥੇ ਵਾਤਾਵਰਣ ਨੂੰ ਸ਼ੁੱਧ ਕੀਤਾ ਹੈ ਉੱਥੇ ਸ਼ਹਿਰਾਂ ਅਤੇ ਪਿੰਡਾਂ ਦੇ ਨਿਕਾਸੀ ਪਾਣੀ ਦੇ ਸਿੰਜਾਈ ਲਈ ਵਰਤੇ ਜਾਣ ਕਾਰਨ ਪੈਦਾਵਾਰ ਵਿਚ ਹੋਏ ਵਾਧੇ, ਜ਼ਮੀਨ ਹੇਠਲੇ ਪਾਣੀ ਦੀ ਸਤਾਹ ਦਾ ਉੱਪਰ ਆਉਣਾ ਅਤੇ ਸੇਮ ਦੀ ਮਾਰ ਤੋਂ ਬਚਾਉ ਵਰਗੇ ਕਾਰਜਾਂ ਦੀ ਜਾਣਕਾਰੀ ਦਿਤੀਸਮਾਗਮ ਮੌਕੇ ਲਹਿੰਦੇ ਪੰਜਾਬ ਲਾਹੌਰ ਵਿਚ ਵਸਦੇ ਲੋਕਾਂ ਦੇ ਸ਼ਾਇਰ ਵਜੋਂ ਜਾਣੇ ਜਾਂਦੇ ਬਾਬਾ ਨਜਮੀ ਦੀ ਚੋਣਵੀਂ ਕਵਿਤਾ ਦੀ ਹਰਭਜਨ ਸਿੰਘ ਹੁੰਦਲ ਵਲੋਂ ਲਿਪੀਅੰਤਰ ਅਤੇ ਸੰਧੂ ਪਰਿਵਾਰ ਦੇ ਸਹਿਯੋਗ ਨਾਲ ਛਪੀ ਕਿਤਾਬ ਲੋਕ ਅਰਪਣ ਕੀਤੀ ਗਈਇਸੇ ਤਰ੍ਹਾਂ ਜ਼ਾਹਿਦ ਇਕਬਾਲ ਦੀ ਵਡ ਆਕਾਰੀ ਖੋਜੀ ਪੁਸਤਕ ਵਾਰਿਸ ਦੀ ਹੀਰ ਵਿਚ ਮਿਲਾਵਟੀ ਸ਼ੇਅਰਾਂ ਦਾ ਵੇਰਵਾਦੇ ਗੁਰਮੁਖੀ ਐਡੀਸ਼ਨ ਬਾਬਤ ਜਾਣਕਾਰੀ ਦਿਤੀਯੂਰਪੀ ਪੰਜਾਬੀ ਸੱਥ ਵਲੋਂ ਢਿੱਲੋਂ ਪਰਿਵਾਰ ਦੇ ਸਹਿਯੋਗ ਨਾਲ ਛਪੀ ਕਿਤਾਬ ਵੁਲਵਰਹੈਂਪਟਨ, ਕਵੀਆਂ ਦਾ ਸ਼ਹਿਰਜਿਸ ਨੂੰ ਇੰਦਰਜੀਤ ਸਿੰਘ ਜੀਤ ਨੇ ਸੰਕਲਿਤ ਕੀਤਾ ਹੈ ਅਤੇ ਜਰਮਨੀ ਪੰਜਾਬੀ ਸੱਥ ਦੀ ਕਿਤਾਬ ਘਿਉ ਚੂਰੀ ਦੀਆਂ ਬਾਤਾਂਦੇ ਦਰਸ਼ਨ ਕਰਵਾਏ ਗਏਮੁਹਿੰਦਰ ਸਿੰਘ ਦਿਲਬਰ ਦੀ ਕਿਤਾਬ ਕਾਲਾ ਗੁਲਾਬ ਚਿੱਟੀ ਮਹਿਕਵੀ ਇਸ ਮੌਕੇ ਰੀਲੀਜ਼ ਕੀਤੀ ਗਈਇਸ ਕਿਤਾਬ ਦਾ ਸਮੁੱਚਾ ਖ਼ਰਚ ਸ. ਦਲਜੀਤ ਸਿੰਘ ਰੰਧਾਵਾ ਹੋਰਾਂ ਵਲੋਂ ਕੀਤਾ ਗਿਆ ਹੈ

-----

ਦੋਹਾਂ ਸਨਮਾਨਿਤ ਬੀਬੀਆਂ ਸਬੰਧੀ ਸੰਖੇਪ ਪਰ ਭਾਵਪੂਰਤ ਜਾਣਕਾਰੀ ਬੀਬੀ ਦਲਵੀਰ ਕੌਰ, ਡਾ. ਦਵਿੰਦਰ ਕੌਰ ਅਤੇ ਸੰਤੋਖ ਸਿੰਘ ਧਾਲੀਵਾਲ ਵਲੋਂ ਦਿਤੀ ਗਈਡਾ.ਦਵਿੰਦਰ ਕੌਰ ਨੇ ਹੀਰ ਸੁਣਾ ਕੇ ਅਸ਼ ਅਸ਼ ਕਰਵਾਈਦਲਬੀਰ ਕੌਰ ਨੇ ਵੀ ਆਪਣੀ ਮਧੁਰ ਆਵਾਜ਼ ਵਿਚ ਸਰੋਤਿਆਂ ਨੂੰ ਕੀਲਿਆਪ੍ਰਸਿੱਧ ਹਾਸ-ਰਸ ਕਵੀ ਤੇਜਾ ਸਿੰਘ ਤੇਜ ਨੇ ਸਮਾਜ ਵਿਚ ਛੜਿਆਂ ਦੇ ਹਾਂ ਪੱਖੀ ਕਿਰਦਾਰ ਨੂੰ ਕਵਿਤਾ ਰਾਹੀਂ ਪੇਸ਼ ਕਰ ਕੇ ਵਾਹ ਵਾਹ ਖੱਟੀਕਵੀਆਂ ਵਿਚ, ਪ੍ਰਕਾਸ਼ ਸਿੰਘ ਆਜ਼ਾਦ, ਗੁਰਚਰਨ ਸਿੰਘ ਲੋਟੇ, ਪਰਮਿੰਦਰ ਸਿੱਧੂ, ਮਲਕੀਅਤ ਸਿੰਘ ਸੰਧੂ, ਟਹਿਲ ਸਿੰਘ ਪੀਟਰਬਰ੍ਹੋ, ਹਰਿੰਦਰ ਕੌਰ, ਜਸਵੰਤ ਕੌਰ ਬੈਂਸ, ਮਹਿੰਦਰ ਸਿੰਘ ਰਾਏ, ਕਸ਼ਮੀਰ ਸਿੰਘ ਘੁੰਮਣ, ਹਰਭਜਨ ਸਿੰਘ ਬਾਗੜੀ, ਨਛੱਤਰ ਸਿੰਘ ਭੋਗਲ, ਜੰਡੂ ਲਿੱਤਰਾਂਵਾਲਾ ਅਤੇ ਪੰਜਾਬ ਰੇਡੀਓ ਲੰਡਨ ਤੋਂ ਸ਼ਮਸ਼ੇਰ ਸਿੰਘ ਰਾਏ ਹੋਰਾਂ ਵਿਸ਼ੇਸ਼ ਹਾਜ਼ਰੀਆਂ ਭਰੀਆਂ

------

ਸੰਤ ਬਾਬਾ ਬਲਬੀਰ ਸਿੰਘ ਜੀ ਨੇ ਸਮਾਜ ਵਿਚੋਂ ਹਰੇਕ ਪ੍ਰਕਾਰ ਦੇ ਪ੍ਰਦੂਸ਼ਣ ਨੂੰ ਦੂਰ ਕਰਨ ਲਈ ਪੰਜਾਬੀ ਸੱਥ ਵਲੋਂ ਮੁੱਢ ਤੋਂ ਹੀ ਦਿਤੇ ਗਏ ਸਹਿਯੋਗ ਦੀ ਸ਼ਲਾਘਾ ਕੀਤੀਉਨ੍ਹਾਂ, ਇਸ ਸਮਾਗਮ ਵਿਚ ਬੀਬੀਆਂ ਨੂੰ ਸਨਮਾਨਿਤ ਕਰ ਕੇ ਪੰਜਾਬੀਆਂ ਸਿਰੋਂ ਕਈ ਕਲੰਕ ਲਾਹੁਣ ਲਈ ਪੰਜਾਬੀ ਸੱਥ ਨੂੰ ਵਧਾਈ ਦਿਤੀਬਾਬਾ ਜੀ ਹੋਰੀਂ ਵਿਸਥਾਰ ਸਹਿਤ ਦੱਸਿਆ ਕਿ ਕਿਵੇਂ ਵੇਈਂ ਨੂੰ ਪ੍ਰਦੂਸ਼ਣ ਮੁਕਤ ਕਰਨ ਦੀ ਗਾਥਾ ਗੁਰੂ ਨਾਨਕ ਦੀ ਕਰਮ ਭੂਮੀ ਤੋਂ ਅੰਤਰ ਰਾਸ਼ਟਰੀ ਪੱਧਰ ਤੱਕ ਸੰਗਤਾਂ ਦੇ ਸਹਿਯੋਗ ਨਾਲ ਪਹੁੰਚਾਈ ਗਈ

-----

ਸਮਾਗਮ ਦੀਆਂ ਰੌਣਕਾਂ ਨੂੰ ਵਧਾਉਣ ਅਤੇ ਆਪਣੇ ਤੌਰ ਤੇ ਮਾਂ-ਬੋਲੀ ਅਤੇ ਆਪਣੇ ਵਿਰਸੇ ਲਈ ਕਾਰਜ ਕਰਨ ਵਾਲੀਆਂ ਕਈ ਸੰਸਥਾਵਾਂ ਦੇ ਨੁਮਾਇੰਦਿਆਂ ਨੇ ਵੀ ਹਾਜ਼ਰੀਆਂ ਭਰੀਆਂਪੰਜਾਬੀ ਲਿਖ਼ਾਰੀ ਸਭਾ ਕਵੈਂਟਰੀ ਤੋਂ ਕਿਰਪਾਲ ਸਿੰਘ ਪੂਨੀ, ਕਵੈਂਟਰੀ ਤੋਂ ਹੀ ਬਜ਼ੁਰਗ਼ ਖੋਜੀ ਤੇ ਸਾਹਿਤਕਾਰ ਅਤੇ ਸੱਥ ਦੇ ਅਹਿਮ ਸਲਾਹਕਾਰ ਅਜਮੇਰ ਕਵੈਂਟਰੀ, ਲਮਿੰਗਟਨ ਦੇ ਸਾਬਕਾ ਮੇਅਰ ਅਤੇ ਮੌਜੂਦਾ ਕੌਂਸਲਰ ਮੋਤਾ ਸਿੰਘ, ਬੀਕਾਸ ਸੰਸਥਾ ਬਰੈਡਫੋਰਡ ਤੋਂ ਤਰਲੋਚਨ ਸਿੰਘ ਦੁੱਗਲ, ਕਸ਼ਮੀਰ ਸਿੰਘ ਘੁੰਮਣ ਅਤੇ ਸਾਥੀ, ਬਰੈਡਫੋਰਡ ਪੰਜਾਬੀ ਕਲਚਰਲ ਸੁਸਾਇਟੀ ਵਲੋਂ ਮਹਿੰਦਰ ਸਿੰਘ ਖਿੰਡਾ ਅਤੇ ਸਾਥੀ, ਸਿੱਖ ਕਮਿਊਨਿਟੀ ਸੈਂਟਰ ਬਰਮਿੰਘਮ ਵਲੋਂ ਦਲ ਸਿੰਘ ਢੇਸੀ, ਗੁਰਦੁਆਰਾ ਸ੍ਰੀ ਗੁਰੂ ਸਿੰਘ ਸਭਾ ਕਵੈਂਟਰੀ ਤੋਂ ਕੁਲਵੰਤ ਸਿੰਘ ਢੇਸੀ, ਪ੍ਰਸਿੱਧ ਸਪੋਰਟਸਮੈਨ ਝਲਮਣ ਸਿੰਘ ਵੜੈਚ, ਬੀਬੀ ਜਗਜੀਤ ਕੌਰ ਜੌਹਲ, ਰਾਜ ਕੁਮਾਰ ਲਾਲੀ ਮੀਸ਼ਮ, ਜਸਵਿੰਦਰ ਕੌਰ ਬਾਹੜਾ ਬਰੈਡਫੋਰਡ, ਗੁਰੂ ਰਵਿਦਾਸ ਗੁਰਦੁਆਰਾ ਬਰੈਡਫੋਰਡ ਦੇ ਪ੍ਰਧਾਨ ਸ੍ਰੀ ਮੂਰਤੀ ਰਾਮ, ਰਗ੍ਹਬੀ ਤੋਂ ਗੁਰਮੁਖ ਸਿੰਘ ਕੋਹਲੀ, ਲਾਇਬ੍ਰੇਰੀਅਨ ਜਸਪਾਲ ਸਿੰਘ ਗਰੇਵਾਲ, ਕੁਲਵੰਤ ਕੌਰ ਲੰਡਨ, ਗੁਰੂ ਨਾਨਕ ਗੁਰਦੁਆਰਾ ਵਾਲਸਾਲ ਤੋਂ ਜਸਵੀਰ ਸਿੰਘ ਬਚਰਾ, ਲੀਡਜ਼ ਤੋਂ ਨਵਜੋਤ ਕੌਰ ਅਤੇ ਪਰਿਵਾਰ, ਕਵੈਂਟਰੀ ਤੋਂ ਗੁਰਜੀਤ ਸਿੰਘ ਤੱਖਰ, ਨੌਟਿਘਮ ਤੋਂ ਚੂਹੜ ਸਿੰਘ ਤੱਖਰ, ਵੁਲਵਰਹੈਂਪਟਨ ਤੋਂ ਬੀਬੀ ਹਰਭਜਨ ਕੌਰ, ਬਰਮਿੰਘਮ ਤੋਂ ਬੀਬੀ ਕੁਲਦੀਪ ਕੌਰ ਜੱਬਲ ਅਤੇ ਪਰਿਵਾਰ, ਪਲਵਿੰਦਰ ਸਿੰਘ ਢਿੱਲੋਂ, ਸੁਰਿੰਦਰ ਸਿੰਘ ਕੰਦੋਲਾ ਸੋਲੀਹਲ, ਕੁਲਵੰਤ ਸਿੰਘ ਸਿੱਧੂ ਅਤੇ ਗੁਰਜਿੰਦਰ ਸਿੰਘ ਸਿੱਧੂ

-----

ਯਾਦ ਰਹੇ ਕਿ ਪੰਜਾਬੀ ਸੱਥ ਵਲੋਂ ਕਵਿੰਟਲਾਂ ਦੇ ਹਿਸਾਬ ਕਿਤਾਬਾਂ ਛਪਵਾ ਕੇ ਬਿਲਕੁਲ ਮੁਫ਼ਤ ਵੰਡੀਆਂ ਜਾਂਦੀਆਂ ਹਨਅੱਜ ਦੇ ਸਮਾਗਮ ਵਿਚ ਵੀ ਪੰਜ ਸੌ ਦੇ ਕਰੀਬ ਕਿਤਾਬਾਂ ਅਤੇ ਵਿਰਾਸਤੀ ਕੈਲੰਡਰ ਵੰਡਿਆ ਗਿਆਸੰਤ ਬਾਬਾ ਬਲਬੀਰ ਸਿੰਘ ਸੀਚੇਵਾਲ ਜੀ ਨੂੰ ਸਮਾਗਮ ਵਿਚ ਲਿਆਉਣ ਲਈ ਸ. ਅਰਜਨ ਸਿੰਘ ਮਾਹਲ ਅਤੇ ਸ. ਮਨਜੀਤ ਸਿੰਘ ਦਾ ਵਿਸ਼ੇਸ਼ ਧੰਨਵਾਦ ਕੀਤਾ ਜਾਂਦਾ ਹੈ ਪ੍ਰੋਗਰਾਮ ਦੇ ਅੰਤ ਤੇ ਮੱਕੀ ਦੀ ਰੋਟੀ ਤੇ ਸਰ੍ਹੋਂ ਦੇ ਸਾਗ ਨਾਲ ਲੰਗਰ ਛਕਾਇਆ ਗਿਆ ਸ਼ਾਈਨ ਸਟਾਰ ਬੈਂਕੁਇਟਿੰਗ ਹਾਲ ਦੇ ਮਾਲਕ ਸ. ਸੁਰਿੰਦਰ ਸਿੰਘ ਭੋਗਲ ਹੋਰਾਂ ਦਾ ਵੀ ਧੰਨਵਾਦ ਕੀਤਾ ਜਾਂਦਾ ਹੈ ਜੋ ਕਿ ਹਰੇਕ ਸਾਲ ਸੱਥ ਦੇ ਪ੍ਰੋਗਰਾਮ ਨੂੰ ਕਾਮਯਾਬ ਕਰਨ ਲਈ ਬਹੁਤ ਹੀ ਸਹਿਯੋਗ ਦਿੰਦੇ ਹਨ






ਤੁਹਾਡੇ ਧਿਆਨ ਹਿੱਤ ਜ਼ਰੂਰੀ ਸੂਚਨਾ

ਦੋਸਤੋ! ਆਰਸੀ ਸਰਗਰਮੀਆਂ ਕਾਲਮ ਦੇ ਤਹਿਤ ਸਿਰਫ਼ ਕਿਸੇ ਖ਼ਾਸ ਸਾਹਿਤਕ ਸਮਾਗਮ ਦੀਆਂ ਰਿਪੋਰਟਾਂ ਅਤੇ ਫ਼ੋਟੋਆਂ ਹੀ ਪੋਸਟ ਕੀਤੀਆਂ ਜਾਂਦੀਆਂ ਹਨ। ਕਿਰਪਾ ਕਰਕੇ ਹਫ਼ਤੇਵਾਰ/ਮਹੀਨੇਵਾਰ ਮੀਟਿੰਗਾਂ ਦੀਆਂ ਰਿਪੋਰਟਾਂ ਨਾ ਭੇਜੀਆਂ ਜਾਣ। ਰਿਪੋਰਟ ਨੂੰ ਜਿੰਨਾ ਸੰਖੇਪ ਰੱਖ ਸਕੋਂ, ਬੇਹਤਰ ਹੋਵੇਗਾ। ਫ਼ੋਟੋਆਂ ਵੀ ਵੱਧ ਤੋਂ ਵੱਧ ਚਾਰ ਕੁ ਹੀ ਭੇਜੀਆਂ ਜਾਣ, ਤਾਂ ਕਿ ਬਹੁਤਾ ਵਕ਼ਤ ਅਸੀਂ ਸਾਰੇ ਰਲ਼ ਕੇ ਸਾਹਿਤ ਵਾਲ਼ੇ ਪਾਸੇ ਲਗਾ ਸਕੀਏ। ਬਹੁਤ-ਬਹੁਤ ਸ਼ੁਕਰੀਆ।

ਅਦਬ ਸਹਿਤ
ਤਨਦੀਪ ਤਮੰਨਾ