-----
ਇਹ ਕਵੀ ਦਰਬਾਰ ਖ਼ਾਸ ਕਰ ਕੇ ਉਹਨਾਂ ਪੰਜਾਬੀ ਲਿਖਾਰੀਆਂ ਲਈ ਕਰਵਾਇਆ ਗਿਆ ਜੋ ਦੇਸ਼ ਤੋਂ ਬਾਹਰ ਰਹਿ ਕੇ ਵੀ ਮਾਂ-ਬੋਲੀ ਦੀ ਸੇਵਾ ਕਰ ਰਹੇ ਹਨ। ਸੁਖਦਰਸ਼ਨ ਧਾਲੀਵਾਲ (Kansaf City, USA) ਅਤੇ ਰਮਨ ਸੰਧੂ (Qatar) ਦੇ ਨਾਮ ਇਸੇ ਲੜੀ ਵਿਚ ਸ਼ਾਮਿਲ ਹਨ। ਇਹਨਾਂ ਨੇ ਮਾਂ-ਬੋਲੀ ਪ੍ਰਤੀ ਆਪਣੇ ਪਿਆਰ ਬਾਰੇ, ਆਪਣੀ ਕਲਮ ਦੇ ਸਫ਼ਰ ਬਾਰੇ ਦੱਸਦਿਆਂ ਹੋਇਆਂ ਆਪਣੀਆਂ ਗ਼ਜ਼ਲਾਂ ਵੀ ਸਾਂਝੀਆਂ ਕੀਤੀਆਂ।
-----
ਜਸਵਿੰਦਰ ਮਹਿਰਮ, ਜਤਿੰਦਰ ਸੰਧੂ, ਸ਼ੈਲੀ ਅਰੋੜਾ, ਖ਼ੁਸ਼ਹਾਲ ਸਿੰਘ, ਨਿਵੇਦਿਤਾ ਸ਼ਰਮਾ, ਨਵਕਿਰਣ ਜੋਤ, ਜਗਜੀਤ ਹਾਂਸ, ਇੰਦਰਜੀਤ ਕੌਰ, ਰੇਨੂੰ ਨਈਅਰ, ਗੁਰਪ੍ਰੀਤ ਮਾਨ ਹੋਰਾਂ ਨੇ ਵੀ ਆਪਣੀਆਂ ਰਚਨਾਵਾਂ ਸਾਂਝੀਆਂ ਕੀਤੀਆਂ । ਇਸ ਮੌਕੇ ਹਰਪ੍ਰੀਤ ਸਿੰਘ ਮੋਗਾ ਦੀ ਗ਼ਜ਼ਲਾਂ ਦੀ ਤੀਜੀ ਸੀ.ਡੀ "ਇਜ਼ਹਾਰ" ਵੀ ਰਿਲੀਜ਼ ਕੀਤੀ ਗਈ। ਇਸੇ ਸੀ.ਡੀ. ਵਿੱਚੋਂ ਉਹਨਾਂ ਨੇ ੩ ਗ਼ਜ਼ਲਾਂ ਆਪ ਗਾ ਕੇ ਸੁਨੀਆਂ ਜਿਹਨਾਂ ਦਾ ਸਰੋਤਿਆਂ ਨੇ ਖ਼ੂਬ ਆਨੰਦ ਮਾਣਿਆ।
-----
ਸਭਾ ਦੇ ਅੰਤ ਵਿੱਚ ਪ੍ਰਧਾਨਗੀ ਮੰਡਲ ਵੱਲੋਂ ਹਰ ਕਵੀ ਨੂੰ ਸਨਮਾਨ-ਚਿੰਨ੍ਹ ਅਤੇ ਪ੍ਰਮਾਣ-ਪੱਤਰ ਦਿੱਤੇ ਗਏ ਅਤੇ ਕਵਿਤਾ ਦੇ ਖੇਤਰ ਵਿਚ ਹੋਰ ਅੱਗੇ ਵਧਣ ਲਈ ਪ੍ਰੇਰਿਤ ਕੀਤਾ ਗਿਆ। ਸੋਸਾਇਟੀ ਦੇ ਪ੍ਰਧਾਨ ਵੱਲੋਂ ਸਭ ਮਹਿਮਾਨਾਂ ਦਾ ਧੰਨਵਾਦ ਕੀਤਾ ਗਿਆ।
No comments:
Post a Comment