ਰਿਪੋਰਟ: ਨਿਰਮਲ ਸਿੰਘ ਕੰਧਾਲਵੀ
ਦਿਨ ਸ਼ਨਿਚਰਵਾਰ 14 ਜੂਨ ਸੰਨ 2008 ਨੂੰ ਪੰਜਾਬੀ ਸੱਥ ਦੀ ਯੂਰਪੀਨ ਇਕਾਈ ਵਲੋਂ ਸੱਥ ਦਾ ਵਰ੍ਹੇਵਾਰ ਅੱਠਵਾਂ ਜੋੜ-ਮੇਲਾ ਵੈਸਟ ਮਿਡਲੈਂਡ, ਇੰਗਲੈਂਡ,ਦੇ ਵਿਲਨਹਾਲ ਟਾਊਨ ਵਿਚ ਸ਼ਾਈਨ ਸਟਾਰ ਬੈਂਕੁਇਟਿੰਗ ਹਾਲ ਵਿਚ ਦੁਪਹਿਰ ਦੇ ਦੋ ਵਜੇ ਤੋਂ ਲੈ ਕੇ ਸ਼ਾਮ ਦੇ ਸੱਤ ਵਜੇ ਤੱਕ ਜੁੜਿਆ।ਸਕਾਟਲੈਂਡ ਤੋਂ ਲੰਡਨ ਤੱਕ ਅਤੇ ਵੇਲਜ਼ ਤੋਂ ਲੈ ਕੇ ਯਾਰਕਸ਼ਾਇਰ ਤੱਕ ਪੰਜਾਬੀ ਪ੍ਰੇਮੀਆਂ ਨੇ ਇਸ ਵਿਚ ਹਿੱਸਾ ਲਿਆ ਜਿਸ ਵਿਚ ਪੰਜਾਬੀ ਮਾਂ-ਬੋਲੀ ਤੇ ਸੱਭਿਆਚਾਰ ਨੂੰ ਚਾਰ ਚੰਨ ਲਾਉਣ ਵਾਲੀਆਂ ਤਿੰਨ ਸ਼ਖ਼ਸੀਅਤਾਂ ਨੂੰ ਸੱਥ ਵਲੋਂ ਗੋਲਡ ਮੈਡਲਾਂ ਨਾਲ ਸਨਮਾਨਿਤ ਕੀਤਾ ਗਿਆ ਜਿਨ੍ਹਾਂ ਵਿਚ ਪੰਜਾਬੀ ਭਾਸ਼ਾ ਦੇ ਦੋ ਪ੍ਰਸਿੱਧ ਲਿਖ਼ਾਰੀ ਬੀਬੀ ਕੈਲਾਸ਼ ਪੁਰੀ ਅਤੇ ਬਲਬੀਰ ਸਿੰਘ ਕੰਵਲ ਅਤੇ ਯੂ.ਕੇ. ਦੇ ਖੇਡ-ਜਗਤ ਵਿਚ ਨਾਮਣਾ ਖੱਟਣ ਵਾਲੇ ਝਲਮਣ ਸਿੰਘ ਵੜੈਚ ਸਨ।ਇਸ ਪ੍ਰੋਗਰਾਮ ਵਿਚ ਸ਼ਾਮਲ ਹੋਣ ਲਈ ਪੰਜਾਬ ਤੋਂ ਵਿਸ਼ੇਸ਼ ਤੌਰ ‘ਤੇ ਪ੍ਰਿੰਸੀਪਲ ਕੁਲਵਿੰਦਰ ਸਿੰਘ ਸਰਾਏ, ਸੰਚਾਲਕ ਮੰਜਕ ਪੰਜਾਬੀ ਸੱਥ ਭੰਗਾਲਾ ਹਾਜ਼ਰ ਹੋਏ।ਪੰਜਾਬ ਤੋਂ ਹੀ ਆਏ ਹੋਏ ਪ੍ਰੋਫੈਸਰ ਸਾਹਿਬਾ ਨਵਰੂਪ ਮਾਗੋ,ਪ੍ਰਸਿੱਧ ਗੀਤਕਾਰ ਅਲਮਸਤ ਦੇਸਰਪੁਰੀ,ਜਸਵੀਰ ਕੌਰ ਨੱਤ ਅਤੇ ਸੁਖਦਰਸ਼ਨ ਸਿੰਘ ਨੱਤ ਹੋਰੀਂ ਵੀ ਇਸ ਪ੍ਰੋਗਰਾਮ ਵਿਚ ਹਾਜ਼ਰੀ ਭਰੀ।ਪੰਜਾਬੀ ਸੱਥ ਲਾਂਬੜਾ ਦੇ ਸੰਚਾਲਕ ਡਾਕਟਰ ਨਿਰਮਲ ਸਿੰਘ ਹੋਰਾਂ ਆਪਣੀਆਂ ਅਸੀਸਾਂ ਵਿਸ਼ੇਸ਼ ਤੌਰ ‘ਤੇ ਲਿਖ਼ਤੀ ਰੂਪ ਵਿਚ ਇਸ ਪ੍ਰੋਗਰਾਮ ਦੀ ਸਫ਼ਲਤਾ ਲਈ ਭੇਜੀਆਂ।
ਪੰਜਾਬ ਰੇਡੀਉ, ਲੰਡਨ ਨੇ ਸਾਰਾ ਹੀ ਪ੍ਰੋਗਰਾਮ ਲਾਈਵ ਪ੍ਰਸਾਰਿਤ ਕੀਤਾ ਜਿਸ ਦੀ ਸਪਾਂਸਰਸ਼ਿੱਪ ਦੀ ਸੇਵਾ ਪੀਟਰਬਰੋ ਤੋਂ ਸਰਦਾਰ ਟਹਿਲ ਸਿੰਘ ਹੋਰਾਂ ਨੇ ਕੀਤੀ।ਇਸ ਪ੍ਰੋਗਰਾਮ ਦੀ ਕਵਰੇਜ ਲਈ ਸਿੱਖ ਟਾਈਮਜ਼ ਤੋਂ ਜਸਪਾਲ ਸਿੰਘ ਬੈਂਸ, ਪੰਜਾਬ ਟਾਈਮਜ਼ ਤੋਂ ਰਾਜਿੰਦਰ ਸਿੰਘ ਪੁਰੇਵਾਲ, ਮਨਜਿੱਤ ਵੀਕਲੀ ਤੋਂ ਕਰਮ ਸਿੰਘ ਕਰਮ ਹਾਜ਼ਰ ਹੋਏ।ਵੀਡੀਉ ਦੀ ਸੇਵਾ ਮਨਜੀਤ ਸਿੰਘ ਮਨੀ ਵੀਡੀਉ ਵਿਲਨਹਾਲ ਅਤੇ ਸਟਿੱਲ ਫੋਟੋਗ੍ਰਾਫ਼ੀ ਦੀ ਸੇਵਾ ਪ੍ਰਸਿੱਧ ਪੱਤਰਕਾਰ ਦਲਬੀਰ ਸਿੰਘ ਸੁੰਮਨ ਹੋਰਾਂ ਨਿਭਾਈ।ਪ੍ਰਧਾਨਗੀ ਮੰਡਲ ਵਿਚ ਸੁਰਜੀਤ ਸਿੰਘ ਕਾਲੜਾ, ਸ਼੍ਰੀਮਤੀ ਕੈਲਾਸ਼ ਪੁਰੀ, ਬਲਬੀਰ ਸਿੰਘ ਕੰਵਲ,ਝਲਮਣ ਸਿੰਘ ਵੜੈਚ ਅਤੇ ਨਿਰਮਲ ਸਿੰਘ ਕੰਧਾਲਵੀ ਹੋਰੀਂ ਸ਼ਾਮਲ ਹੋਏ।
ਸ਼ੁਰੂਆਤ ਕਾਕਾ ਜਸਕੀਰਤ ਸਿੰਘ ਅਤੇ ਕਾਕਾ ਅੰਮ੍ਰਿਤਪਾਲ ਸਿੰਘ ਹੋਰਾਂ ਨੇ ਹਰਜਿੰਦਰ ਸਿੰਘ ਸੰਧੂ ਅਤੇ ਮਲਕੀਅਤ ਸਿੰਘ ਸੰਧੂ ਦੀਆਂ ਕਵਿਤਾਵਾਂ ਪੜ੍ਹ ਕੇ ਕੀਤੀ।ਯੂ.ਕੇ. ਭਰ ਦੇ ਚੋਟੀ ਦੇ ਕਵੀਆਂ ਤੋਂ ਇਲਾਵਾ ਜਿਨ੍ਹਾਂ ਹੋਰ ਸ਼ਖ਼ਸੀਅਤਾਂ ਨੇ ਹਾਜ਼ਰ ਹੋਕੇ ਪ੍ਰੋਗਰਾਮ ਦੀ ਰੌਣਕ ਨੂੰ ਵਧਾਇਆ ਉਨ੍ਹਾਂ ਵਿਚ ਪੰਜਾਬੀ ਲਿਖ਼ਾਰੀ ਸੁਰਜੀਤ ਸਿੰਘ ਕਾਲੜਾ, ਅਜਮੇਰ ਸਿੰਘ ਕਵੈਂਟਰੀ, ਸਕਾਟਲੈਂਡ ਤੋਂ ਸੱਥ ਦੇ ਮੁਢਲੇ ਸਹਿਯੋਗੀ ਪਰਮਜੀਤ ਸਿੰਘ ਸੰਧੂ,ਸੱਥ ਦੇ ਸਹਿਯੋਗੀ ਨਿਰਮਲ ਸਿੰਘ ਧਾਲੀਵਾਲ ਟੈਲਫੋਰਡ ਤੋਂ,ਸਿੱਖ ਨਾਰੀ ਮੰਚ ਤੋਂ ਅਵਤਾਰ ਸਿੰਘ ਅਬਰੋਲ ਤੇ ਬੀਬੀ ਗੁਰਦੇਵ ਕੌਰ, ਕਵੈਂਟਰੀ ਤੋਂ ਕੁਲਵੰਤ ਸਿੰਘ ਸੈਣੀ ਤੇ ਪਰਿਵਾਰ, ਬੀ.ਬੀ.ਸੀ.ਦੇ ਪਰੈਜ਼ੈਂਟਰ ਰਵਿੰਦਰ ਸਿੰਘ ਕੁੰਦਰਾ,ਸੁਦਰਸ਼ਨ ਕੌਰ,ਸੰਤੋਖ ਸਿੰਘ ਹੇਅਰ,ਕਿਰਪਾਲ ਸਿੰਘ ਪੂਨੀ,ਕੁਲਵੰਤ ਸਿੰਘ ਢੇਸੀ,ਸਤਪਾਲ ਡੁਲ੍ਹਕੂ,ਸੁਰਿੰਦਰ ਗਾਖਲ,ਮਨਜੀਤ ਕੌਰ ਰਤਨ ਅਤੇ ਕੁਲਦੀਪ ਬਾਂਸਲ,ਗੁਰਜੀਤ ਸਿੰਘ ਤੱਖਰ, ਬਰਮਿੰਘਮ ਤੋਂ ਪੰਥਕ ਕਵੀ ਗੁਰਦੇਵ ਸਿੰਘ ਮਠਾੜੂ,ਰਣਜੀਤ ਸਿੰਘ ਰਾਣਾ( ਅਸਲੀ )ਦੇਵ ਰਾਜ ਜੱਸਲ, ਹਾਸਰਸ ਦੇ ਬਾਦਸ਼ਾਹ ਤੇਜਾ ਸਿੰਘ ਤੇਜ, ਗੁਰਚਰਨ ਸਿੰਘ ਲੋਟੇ, ਰਾਜਿੰਦਰ ਸਿੰਘ ਭੋਗਲ ਤੇ ਪਰਿਵਾਰ, ਡਾਕਟਰ ਜਗਜੀਤ ਸਿੰਘ ਟੌਂਕ ਐਮ.ਬੀ.ਏ. ਤੇ ਪਰਿਵਾਰ,ਸਿੱਖ ਯੂਥ ਐਂਡ ਕਮਿਊਨਿਟੀ ਸਰਵਿਸ ਦੇ ਚੇਅਰਮੈਨ ਦਲ ਸਿੰਘ ਢੇਸੀ,ਨਰੇਸ਼ ਚਾਂਦਲਾ, ਹਰੀਸ਼ ਮਲਹੋਤਰਾ,ਅਜੀਤ ਸਿੰਘ ਉਭੀ,ਅਮਰਜੀਤ ਕੌਰ ਅਨੇਜਾ, ਯਾਰਕਸ਼ਾਇਰ ਤੋਂ ਮਹਿੰਦਰ ਸਿੰਘ ਖਿੰਡਾ,ਪ੍ਰਸਿੱਧ ਸ਼ਾਇਰਾ ਨਰਿੰਦਰ ਕੌਰ ਸੁੰਮਨ,ਮਨਜੀਤ ਸਿੰਘ ਸੁੰਮਨ,ਪ੍ਰੋ.ਬਖ਼ਸ਼ੀਸ਼ ਸਿੰਘ,ਜੋਗਾ ਸਿੰਘ ਨਿਰਵਾਣ,ਤਰਲੋਚਨ ਸਿੰਘ ਦੁੱਗਲ,ਕਸ਼ਮੀਰ ਸਿੰਘ ਘੁੰਮਣ ਭਾਰਪੁਰੀ,ਲਮਿੰਗਟਨ ਤੋਂ ਬੀਬੀ ਜਗਜੀਤ ਕੌਰ ਜੌਹਲ ਤੇ ਬੀਬੀ ਇਕਬਾਲ ਕੌਰ ਛੀਨਾ,ਸਾਬਕਾ ਲਾਰਡ ਮੇਅਰ ਮੋਤਾ ਸਿੰਘ ਅਤੇ ਰਾਜਿੰਦਰ ਸਿੰਘ, ਲੈਸਟਰ ਤੋਂ ਬਲਰਾਜ ਸਿੰਘ ਸੰਧਰ ਅਤੇ ਪਰਿਵਾਰ,ਸੁਖਦੇਵ ਸਿੰਘ ਬਾਂਸਲ,ਡਰਬੀ ਤੋਂ ਬਲਵਿੰਦਰ ਸਿੰਘ ਨੰਨੂਆਂ, ਲਾਂਗਈਟਨ ਤੋਂ ਪਰਮਜੀਤ ਸਿੰਘ ਥਾਂਦੀ, ਗਰੇਵਜ਼ੈਂਡ ਤੋਂ ਸਾਧੂ ਸਿੰਘ ਰੰਧਾਵਾ ਤੇ ਪਰਿਵਾਰ, ਵੁਲਵਰਹੈਂਪਟਨ ਤੋਂ ਡਾਕਟਰ ਦਵਿੰਦਰ ਕੌਰ, ਦਲਬੀਰ ਕੌਰ,ਪ੍ਰਸਿੱਧ ਗੀਤਕਾਰ ਜੰਡੂ ਲਿੱਤਰਾਂ ਵਾਲਾ ਤੇ ਚੰਨ ਜੰਡਿਆਲਵੀ,ਅੱਛਰ ਸਿੰਘ ਹੁਸ਼ਿਆਰਪੁਰੀ,ਭੂਪਿੰਦਰ ਸਿੰਘ ਸੱਗੂ,ਡਾਕਟਰ ਰਤਨ ਰੀਹਲ,ਮਨਜੀਤ ਸਿੰਘ ਕਮਲਾ,ਮਨਮੋਹਨ ਸਿੰਘ ਮਹੇੜੂ, ਸੁਰਿੰਦਰ ਸਾਗਰ, ਕੈਂਟ ਤੋਂ ਬੀਬੀ ਅਮਰਜੀਤ ਕੌਰ,ਦਲਜੀਤ ਕੌਰ ਮਾਨ ਨੌਟਿੰਘਮ ਤੋਂ,ਟੈਲਫੋਰਡ ਤੋਂ ਕੌਂਸਲਰ ਕੁਲਦੀਪ ਸਿੰਘ,ਵਾਲਸਾਲ ਵਿਲਨਹਾਲ ਤੋਂ ਮਹਿੰਦਰ ਸਿੰਘ ਦਿਲਬਰ, ਜਸਵੀਰ ਸਿੰਘ ਬਚਰਾ,ਗਿਆਨੀ ਜਰਨੈਲ ਸਿੰਘ ਪ੍ਰਭਾਕਰ,ਸੁਖਪਾਲ ਸਿੰਘ ਢਿੱਲੋਂ, ਕਰਿਊ ਤੋਂ ਵੀਰ ਸਿੰਘ ਢਿੱਲੋਂ ਉਰਫ਼ ਸੋਖਾ ਮੀਂਊਂਵਾਲੀਆ ਅਤੇ ਹੋਰ ਸੈਂਕੜੇ ਸੱਥ ਦੇ ਪ੍ਰੇਮੀਆਂ ਨੇ ਪ੍ਰੋਗਰਾਮ ਵਿਚ ਸ਼ਮੂਲੀਅਤ ਕਰਕੇ ਪੰਜਾਬੀ ਸੱਭਿਆਚਾਰ ਅਤੇ ਮਾਂ-ਬੋਲੀ ਨਾਲ ਆਪਣੇ ਪਿਆਰ ਦਾ ਸਬੂਤ ਦਿੱਤਾ।
ਕੁਝ ਕਵੀਜਨਾਂ ਦੀਆਂ ਰਚਨਾਵਾਂ ਸੁਣਨ ਤੋਂ ਬਾਅਦ ਮਾਣ-ਸਨਮਾਨ ਦੀ ਰਸਮ ਕੀਤੀ ਗਈ।ਸਭ ਤੋਂ ਪਹਿਲਾਂ ਸੰਸਾਰ ਪ੍ਰਸਿੱਧ ਪੰਜਾਬੀ ਸਾਹਿਤਕਾਰਾ ਸ਼੍ਰੀਮਤੀ ਕੈਲਾਸ਼ ਪੁਰੀ ਜੀ ਦਾ ਸੱਥ ਵਲੋਂ ਸਨਮਾਨ ਕੀਤਾ ਗਿਆ। ਉਨ੍ਹਾਂ ਦੇ ਗਲ ਵਿਚ ਸੋਨੇ ਦਾ ਮੈਡਲ ਪਾਉਣ ਦੀ ਸੇਵਾ ਬੀਬੀ ਦਲਵੀਰ ਕੌਰ ਸੰਧੂ ਹੋਰੀਂ ਨਿਭਾਈ,ਫੁਲਕਾਰੀ ਭੇਂਟ ਕਰਨ ਦੀ ਸੇਵਾ ਰਸ਼ਮਿੰਦਰ ਕੌਰ ਸਰਾਏ ਅਤੇ ਸਿਰਪਾਉ ਭੇਂਟ ਕਰਨ ਦੀ ਸੇਵਾ ਬੀਬੀ ਗੁਰਦੇਵ ਕੌਰ ਜੀ ਨੇ ਕੀਤੀ।ਕੈਲਾਸ਼ ਪੁਰੀ ਜੀ ਤੋਂ ਬਾਅਦ ਬਲਬੀਰ ਸਿੰਘ ਕੰਵਲ ਜੀ ਨੂੰ ਮੈਡਲ ਦੀ ਸੇਵਾ ਪ੍ਰਿੰਸੀਪਲ ਕੁਲਵਿੰਦਰ ਸਿੰਘ ਸਰਾਏ, ਲੋਈ ਭੇਂਟ ਕਰਨ ਦੀ ਸੇਵਾ ਹਰਜਿੰਦਰ ਸਿੰਘ ਸੰਧੂ ਅਤੇ ਸਿਰੋਪਾਉ ਦੀ ਸੇਵਾ ਅਜਮੇਰ ਸਿੰਘ ਕਵੈਂਟਰੀ ਜੀ ਨੇ ਨਿਭਾਈ।
ਫੇਰ ਵਾਰੀ ਆਈ ਸਾਡੇ ਉਸ ‘ਨੌਜੁਆਨ’ ਝਲਮਣ ਸਿੰਘ ਵੜੈਚ ਦੀ ਜਿਸ ਨੇ ਕੰਮ ਤੋਂ ਰਿਟਾਇਰਮੈਂਟ ਲੈਣ ਤੋਂ ਬਾਅਦ ਖੇਡਾਂ ਵਿਚ ਹਿੱਸਾ ਲੈਣਾ ਸ਼ੁਰੂ ਕੀਤਾ ਤੇ ਡੈਕਾਥਲਾਨ ਤੇ ਪੈਂਟਾਥਲਾਨ ਮੁਕਾਬਲਿਆਂ ਵਿਚੋਂ ਬੇਅੰਤ ਮੈਡਲ,ਟਰਾਫ਼ੀਆਂ ਤੇ ਸਰਟੀਫੀਕੇਟ ਜਿੱਤ ਕੇ ਜਿੱਥੇ ਸਾਰੀ ਪੰਜਾਬੀ ਕਮਿਊਨਿਟੀ ਦਾ ਮਾਣ ਵਧਾਇਆ ਹੈ ਉੱਥੇ ਸਿੱਖੀ ਸਰੂਪ ‘ਚ ਰਹਿੰਦਿਆਂ ਆਉਣ ਵਾਲੀਆਂ ਪਨੀਰੀਆਂ ਲਈ ਇਕ ਚਾਨਣ ਮੁਨਾਰੇ ਦਾ ਕੰਮ ਕਰ ਰਹੇ ਹਨ।
ਉਨ੍ਹਾਂ ਨੂੰ ਮੈਡਲ ਭੇਂਟ ਕਰਨ ਦੀ ਸੇਵਾ ਸੁਰਜੀਤ ਸਿੰਘ ਕਾਲੜਾ, ਲੋਈ ਭੇਂਟ ਕਰਨ ਦੀ ਸੇਵਾ ਨਿਰਮਲ ਸਿੰਘ ਕੰਧਾਲਵੀ ਅਤੇ ਸਿਰੋਪਾਉ ਦੀ ਸੇਵਾ ਪਰਮਜੀਤ ਸਿੰਘ ਸੰਧੂ,ਗੁਰਜੀਤ ਸਿੰਘ ਤੱਖਰ ਅਤੇ ਵੀਰ ਸਿੰਘ ਢਿੱਲੋਂ ਹੋਰੀਂ ਕੀਤੀ।
ਬਹੁਤ ਹੀ ਸ਼ਾਨਦਾਰ ਕਵੀ ਦਰਬਾਰ ਹੋਇਆ ਤੇ ਵਿਚਾਰਵਾਨਾਂ ਨੇ ਪੰਜਾਬੀ ਭਾਸ਼ਾ ਅਤੇ ਪੰਜਾਬੀ ਸੱਭਿਆਚਾਰ ਸਬੰਧੀ ਆਪਣੇ ਵਿਚਾਰ ਪੇਸ਼ ਕੀਤੇ।
ਸੱਥ ਵਲੋਂ ਪ੍ਰਕਾਸ਼ਿਤ ਪੁਸਤਕਾਂ ਦਾ ਲੰਗਰ ਵਰਤਾਇਆ ਗਿਆ।ਇੰਜ ਇਹ ਪ੍ਰੋਗਰਮ ਛੇ ਕੁ ਵਜੇ ਸਮਾਪਤ ਹੋਇਆ।ਆਏ ਹੋਏ ਮਹਿਮਾਨਾਂ ਦੀ ਸੇਵਾ ਸ਼ੁੱਧ ਪੰਜਾਬੀ ਭੋਜਨ ਮੱਕੀ ਦੀ ਰੋਟੀ ਤੇ ਸਰ੍ਹੋਂ ਦੇ ਸਾਗ ਨਾਲ ਕੀਤੀ ਗਈ।
ਸੱਥ ਵਲੋਂ ਉਨ੍ਹਾਂ ਸਭ ਭੈਣਾਂ,ਭਰਾਵਾਂ,ਬਜ਼ੁਰਗਾਂ,ਮਾਤਾਵਾਂ ਦਾ ਬਹੁਤ ਬਹੁਤ ਧੰਨਵਾਦ ਜਿਨ੍ਹਾਂ ਨੇ ਇਸ ਪ੍ਰੋਗਰਾਮ ਵਿਚ ਹਿੱਸਾ ਲੈ ਕੇ ਇਸ ਨੂੰ ਕਾਮਯਾਬ ਕੀਤਾ।
