ਅਦਾਰਾ ਮੀਡੀਆ ਪੰਜਾਬ ਵੱਲੋਂ ਦੂਸਰਾ ਵਾਰਸ਼ਿਕ ਅੰਤਰਾਸ਼ਟਰੀ ਕਵੀ ਦਰਬਾਰ ਸੰਪਨ - ਰਿਪੋਰਟ

ਅਦਾਰਾ ਮੀਡੀਆ ਪੰਜਾਬ ਵੱਲੋਂ ਦੂਸਰਾ ਵਾਰਸ਼ਿਕ ਅੰਤਰਾਸ਼ਟਰੀ ਕਵੀ ਦਰਬਾਰ ਵਿਚ ਪਹੁੰਚੇ ਕਵੀ
ਰਿਪੋਰਟ: ਮੀਡੀਆ ਪੰਜਾਬ, ਜਰਮਨੀ

ਲਾਇਪਸਿੰਗ 15 ਅਗਸਤ (ਮਪ) ਅਦਾਰਾ ਮੀਡੀਆ ਪੰਜਾਬ ਵੱਲੋਂ ਦੂਸਰਾ ਵਾਰਸ਼ਿਕ ਅੰਤਰਾਸ਼ਟਰੀ ਕਵੀ ਦਰਬਾਰ ਬਹੁਤ ਹੀ ਸਫ਼ਲਤਾ ਨਾਲ ਅੱਜ ਜਰਮਨੀ ਦੇ ਸ਼ਹਿਰ ਲਾਇਪਸਿੰਗ ਵਿਖੇ ਕਰਵਾਇਆ ਗਿਆ। ਪੂਰੇ ਯੋਰਪ ਭਰ ਵਿੱਚੋਂ ਵਿਦਵਾਨ ਅਤੇ ਕਵੀ ਇਸ ਵਿੱਚ ਹਾਜ਼ਰੀ ਭਰਨ ਲਈ ਪਹੁੰਚੇ। ਪ੍ਰਸਿੱਧ ਨਾਵਲਕਾਰ ਸ਼ਿਵਚਰਨ ਜੱਗੀ ਕੁੱਸਾ ਇੰਗਲੈਂਡ ਤੋਂ, ਪੈਰਿਸ ਤੋਂ ਕੁਲਵੰਤ ਕੌਰ ਚੰਨ, ਸ. ਰਣਜੀਤ ਸਿੰਘ ਚੰਨ, ਇੰਗਲੈਂਡ ਤੋਂ ਯੋਰਪੀਅਨ ਪੰਜਾਬੀ ਸੱਥ ਦੀ ਇਕਾਈ ਦੇ ਪ੍ਰਧਾਨ ਮੋਤਾ ਸਿੰਘ ਸਰਾਏ, ਨਿਰਮਲ ਸਿੰਘ ਕੰਧਾਲਵੀ, ਹਰਜਿੰਦਰ ਸਿੰਘ ਸੰਧੂ ਵਿਸ਼ੇਸ਼ ਤੌਰ ‘ਤੇ ਪਹੰਚੇ। ਇਟਲੀ ਤੋਂ ਨਾਮਵਰ ਕਲਮਕਾਰ ਅਤੇ ਕਵੀ ਵਿਸ਼ਾਲ ਉਹਨਾਂ ਦੇ ਨਾਲ ਬੀਰਬਲ, ਰਵੇਲ ਸਿੰਘ, ਰਾਜੂ ਹਠੂਰੀਆ, ਸੁੱਖਾ ਨੱਤ ਨਾਨੋਵਾਲੀਆ, ਗੁਰਪ੍ਰੀਤ ਪਹੰਚੇ। ਹਾਲੈਂਡ ਤੋਂ ਸ. ਜੋਗਿੰਦਰ ਸਿੰਘ ਬਾਠ ਪਰਿਵਾਰ ਸਮੇਤ ਪਹੰਚੇ ਹੋਏ ਸਨ। ਇਸ ਮੌਕੇ ‘ਤੇ ਮੀਡੀਆ ਪੰਜਾਬ ਅਤੇ ਪੰਜਾਬੀ ਸੱਥ ਦੇ ਸਹਿਯੋਗ ਨਾਲ ਜਰਮਨ ਵਸਦੇ ਪੰਜਾਬੀ ਕਵੀਆ ਦੀ ਇੱਕ ਪੁਸਤਕ, ਘਿਊ ਚੂਰੀ ਦੀਆਂ ਬਾਤਾਂ ਲੋਕ ਅਰਪਣ ਕੀਤੀ ਗਈ। ਇੱਥੇ ਇਹ ਜਿਕਰਯੋਗ ਹੈ ਕਿ ਇਹ ਜਰਮਨ ਵੱਸਦੇ ਕਵੀਆਂ ਦੀ ਪਹਿਲੀ ਪੁਸਤਕ ਹੈ ਜੋ ਕਿ ਇਸ ਤਰ੍ਹਾਂ ਪ੍ਰਕਾਸ਼ਿਤ ਕੀਤੀ ਗਈ ਹੈ। ਸ: ਸੇਵਾ ਸਿੰਘ ਸੋਢੀ ਦੀਆਂ ਦੇ ਦੋ ਨਾਵਲ ਸ਼ੇਰਨੀ ਤੇ ਬੱਦਲਾਂ ਉਹਲੇ ਚੰਨ ਵੀ ਲੋਕ ਅਰਪਣ ਕੀਤੇ ਗਏ। ਕਵੀਆਂ ਵੱਲੋਂ ਕਵਿਤਾ ਪਾਠ ਦੇ ਨਾਲ ਨਾਲ ਪਹੁੰਚੇ ਵਿਦਵਾਨਾਂ ਨੇ ਪੰਜਾਬੀ ਸ਼ਬਦ ਜੋੜਾਂ ਦੇ ਬਾਰੇ ਵੀ ਬਹੁਤ ਹੀ ਪ੍ਰਭਾਵਸ਼ਾਲੀ ਵਿਚਾਰ ਚਰਚਾ ਕੀਤੀ । ਬਹੁਤ ਹੀ ਛੇਤੀ ਮੀਡੀਆ ਪੰਜਾਬ ਅਖਬਾਰ ਦੇ ਜਰੀਏ ਸ਼ਬਦ ਜੋੜ ਜਾਗ੍ਰਿਤੀ ਮੁਹਿੰਮ ਚਲਾਏ ਜਾਣ ਦੀ ਗੱਲ ਹੋਈ। ਪ੍ਰੋਗਰਾਮ ਦੇ ਆਰੰਭ ਅੰਜੂਜੀਤ ਦੇ ਸਵਾਗਤੀ ਗੀਤ ਨਾਲ ਹੋਇਆਂ ਇਸਤੋਂ ਬਾਅਦ ਦੋ ਕਵਿਤਾ ਪਾਠ ਦੇ ਦੋਰ ਚਲੇ ਜੋ ਕਿ ਤਕਰੀਬਨ ਚਾਰ ਚਾਰ ਘੰਟੇ ਲਗਾਤਾਰ ਚਲਦੇ ਰਹੇ। ਜਰਮਨ ਦੇ ਵੱਖਰੇ ਵੱਖਰੇ ਸ਼ਹਿਰਾਂ ਤੋਂ ਕਵੀਆਂ ਨੇ ਭਾਰੀ ਗਿਣਤੀ ਵਿੱਚ ਹਾਜ਼ਰੀ ਲਵਾਈ। ਜਿੰਨ੍ਹਾ ਵਿੱਚ ਕੋਲਨ ਤੋਂ ਸ. ਸਤਨਾਮ ਸਿੰਘ ਬੱਬਰ, ਅਦਰਸ਼ਪਾਲ ਸਿੰਘ ਘੋਤੜਾ ਇਸ ਤੋਂ ਇਲਾਵਾ ਅਮਨਦੀਪ ਸਿੰਘ ਕਾਲਕਟ, ਅਮਰਜੀਤ ਸਿੰਘ ਸਿੱਧੂ, ਬਲਬੀਰ ਸਿੰਘ ਜੱਸੀ ਖਾਲਸਾ,

ਸੇਵਾ ਸਿੰਘ ਸੋਢੀ, ਬਿੰਦਰ ਭੁੱਲਰ, ਦਰਸ਼ਨ ਘੁੰਮਣ, ਕੇਹਰ ਸ਼ਰੀਫ਼, ਡਾ. ਲਹਿਰੀ, ਮਲਹਾਰ ਸਿੰਘ, ਗੁਲਜਾਰ ਸਿੰਘ , ਤਰਸੇਮ ਸਿੰਘ ਅਟਵਾਲ, ਰੁਬੀਨਾ ਜੀ, ਸੁਖਵਿੰਦਰ ਸਿੰਘ ਰੇਗਿਨਸਬਰਗ, ਦਿਲਬਾਗ ਸਿੰਘ, ਮੰਗਲ ਸਿੰਘ ਨਿਉਰਨਬਰਗ, ਨੰਦਾ ਜੀ ਕੋਲਨ, ਨਾਨਕ ਸਿੰਘ ਮੁਲਤਾਨੀ, ਪ੍ਰਮਜੀਤ ਸਿੰਘ ਹੁੰਦਲ, ਮਨਜੀਤ ਸਿੰਘ ਪੁਰੇਵਾਲ, ਨੱਥਾ ਸਿੰਘ ਲਾਇਪਸਿੰਗ, ਕੁਲਵਿੰਦਰ ਸਿੰਘ ਗਰਿਮਾ, ਮਨਜੀਤ ਸਿੰਘ, ਸੁਰਿੰਦਰ ਸਿੰਘ ਸੇਖੋਂ, ਬਲਜਿੰਦਰ ਸਿੰਘ ਬਰਲਿਨ ਅਤੇ ਉਨ੍ਹਾਂ ਦੇ ਸਾਥੀ ਪਰਮਿੰਦਰ ਸਿੰਘ ਬੈਂਸ ਪਰਿਵਾਰ ਆਦਿ ਹਾਜ਼ਰ ਹੋਏ ਸਨ। ਬਰੇਮਨ ਸ਼ਹਿਰ ਤੋਂ ਬਣ ਕੇ ਆਏ ਸਮੋਸੇ ਅਤੇ ਮਠਿਆਈਆ ਨੂੰ ਕਵੀਆਂ ਅਤੇ ਸਰੋਤਿਆਂ ਨੇ ਬਹੁਤ ਹੀ ਆਨੰਦ ਦੇ ਨਾਲ ਛਕਿਆ। ਸਟੇਜ ਦੀ ਸੰਚਾਲਨਾ ਗੁਰਦੀਸ਼ਪਾਲ ਕੌਰ ਬਾਜਵਾ ਅਤੇ ਭਾਈ ਰਵਿੰਦਰ ਸਿੰਘ ਆਲਮਗੀਰ ਵੱਲੋਂ ਕੀਤੀ ਗਈ।